Мадам Веб (филм)
Мадам Веб (англиски: Madame Web) — американски суперхеројски филм заснован на стриповите на Marvel Comics за Мадам Веб. Произведен е од Columbia Pictures и Di Bonaventura Pictures во соработка со Marvel и TSG Entertainment и распределен од Sony Pictures Releasing. Тој е четвртиот филм во медиумската франшиза „Вселената на Спајдермен од Sony“. Режисерка била Ес-Џеј Кларксон, таа го напишала и сценариото заедно со Мет Сазама, Бурк Шарплес и Клер Паркер, заснована на приказната од Керем Санга, Сазама и Шарплес. Главните улоги ги толкуваат Дакота Џонсон, Сидни Свини, Селест О'Конор, Изабела Мерсед, Тахар Рахим, Мајк Епс, Ема Робертс и Адам Скот.
| „Мадам Веб (филм)“ | |
|---|---|
 Плакатот на македонски | |
| Режисер | Ес-Џеј Кларксон |
| Продуцент | Лоренцо ди Бонавентура |
| Главни улоги | |
| Музика | Јохан Седерквист |
| Кинематографија | Мауро Фиоре |
| Студио | |
| Дистрибутер | Sony Pictures Releasing |
| Премиера | 12 февруари 2024 г. (театар Regency Village) 14 февруари 2024 г. (САД) 15 февруари 2024 г. (Македонија) |
| Времетраење | 116 минути |
| Земја |  САД |
| Јазик |
|
| Буџет | 80 милиони долари |
| Бруто заработка | 8,2 милиони долари[1] |
Sony започнал да го развива филмот за Мадам Веб во својата заедничка вселена во септември 2019 г., а Сазама и Шарплес биле најмени да го напишат сценариото. Претходно Керем Санга подготвила нацрт-верзија. Кларксон се приклучила на проектот во мај 2020 г., а Џонсон добила улога на почетокот на 2022 г. Снимањето започнало во средината на јули 2022 г. и се одвивало во Бостон и низ Масачусетс до септември; Снимањето се одржало во Њујорк во средината на октомври и завршило до крајот на годината.
Премиерата на филмот „Мадам Веб“ се одржала на 12 февруари 2024 г. во театарот Regency Village во Вествуд (Лос Анџелес), и во американските кина на 14 февруари. Во Македонија, премиерата била на 15 февруари истата година.[2] Филмот добил негативни одзиви од критичарите.
Содржина
уредиБолничарка од Менхетн, која по несреќа развива видовити способности што ѝ овозможуваат да ги гледа идните настани, е принудена да се соочи со откритијата за нејзиното минато; таа мора да заштити три млади жени од таинствен противник што ја сака нивната смрт.
Наводи
уреди- ↑ Предлошка:Cite The Numbers
- ↑ „Мадам Веб | Cineplexx MK“. www.cineplexx.mk. Посетено на 2024-02-16.
Надворешни врски
уреди| „Мадам Веб (филм)“ на Ризницата ? |
- Мадам Веб (филм) на
Семрежната филмска база на податоци (англиски)
