Леандра
Леандра — пештера која се наоѓа во близина на селото Локвица во областа Порече, западна Македонија. Големиот отвор на пропаста Леандра, налик на кратер, е сместен речиси до врвот на благо возвишение во месноста Преслоп 1 км јужно од селото Локвица. Сместена е на истоименото плато кое е составено од деломитични кристалести варовници[1]. Отворот е со елипсовиден (овален) облик кој во правец север-југ е долг 19 метри, а во попречниот правец е широк 14,5 метри[1]. Од отворот настанува вертикален отсек, кој на северната страна е висок 4,5 метри, а на јужната 14,5 метри[1], поради што пештерата Леандра навидум има изглед на пропаст. Со оглед дека таваницата и е сурната Леандра спаѓа во групата на ѕвекари, односно претставува преод помеѓу пештера и пропаст, јама[1]. Под отсекот се наоѓа дното на пештерата, кое е наклонето кон југ и претрупано со голема маса на блокови, од што јасно се гледа дека отворот на пештерата е настанат со сурнување на пештерската таваница[1]. Таваниците на пропаста се од варовнички камен и во поголем дел се обраснати со повит, додека дното е земјено и на него се израснати лескови дрвја, грмушки, лишаи и други растенија кои ја исполнуваат внатрешноста, особено во летниот период. Од дното кон запад се отвора и проширува пештерски канал и сала кои се тешко пристапни. Во отсекот на пештерата Леандра се наоѓаат две вдлабнатини[1]. Едното проширување е на јужната страна и има облик на триаголник чијашто основа (на отсекот на влезниот отвор) е долга 14 метри[1]. Должината на оваа вдлабнатина е 16 метри[1]. Страните на триаголникот не се прави, туку се состојат од помали споредни вдлабнувања. Целото ова проширување паѓа кон југ за 22°, а неговото дно е исто така покриено со маса на камени блокови од срушената таваница[1]. Другото проширување е на источната страна и има повеќе овален облик со пречник од околу 20 метри[1]. Дното му е пониско отколку дното на влезниот отвор при што тоа е зарамнето и на него нема срушени блокови[1]. Таваницата на ова проширување е закосена, односно налегната[1]. Воопштено, ова вдлабнување има облик на помала пештерска [1]. По ѕидовите на целата пештера има помали отвори низ кои не може да се пројде. Пештерата е потполно сува, а нема никакви траги и показатели на основа на кои би можело да се заклучи дека низ неа минувале речни текови[1]. Според тоа, пештерата Леандра припаѓа на сувите пештери[1].
| Леандра | |
|---|---|
_02.jpg) југозападниот дел од отворот на Леандра | |
| Место | Локвица, Порече |
Галерија
уреди-
Поглед на таваницата обрасната со повит -
Поглед на средишниот дел (кон исток) -
Поглед на дел од отворот -
Југозападниот дел на отворот
_04.jpg)
_03.jpg)
_05.jpg)
_01.jpg)