Костуров брег

Костуровиот брег (англиски: Skeleton Coast) е северниот дел од атлантскиот брег на Намибија, а мал дел од јужниот брег на Ангола. Брегот го опфаќа атлантското крајбрежје од реката Кунене на север до Свакоп на југ. Сепак, често ова име се користи да се именува и целиот крајбрежен регион на пустината Намиб.

Карта на Намибија со означени територии на националнстите. Костуровиот брег е регионот помеѓу Атлантскиот Океан и Каоковелд и Дамараланд.

ОписУреди

Покрај брегот се наоѓа Бенгелската морска струја што е причина за создавање на густа магла покрај брегот во текот на целата година. Ветровите дуваат кон морето и климата е пустинска, невозможна за живеење. Единствено може да се излезе до регионот пеш по топли пустински песоци, бидејќи брод не може да се приближи до копното за да отплови назад кон Атлантикот.

Регионот е претежно со ситен песок и понекогаш може да се наиде на карпести остатоци. Јужниот дел висорамнински и високи песочни дини. Денес, регионот е познат како одлично место за сурфање.[1]

ЕтимологијаУреди

Во регионот никој не живее, но Бушманите и нивната територија се соседи на регионот. Тие го именуваат регионот како „земјата која Господ ја создал во лутина“. Португалците пак го именувале регионот како „Портите на пеколот“.

Современото име потекнува од фактот што во минатото брегот бил преполн со костури на китови и фоки, кои биле како директна последица на ловењето китови. Денес брегот изобилува со остатоци од распаднати бродот кои заринкале и потонале во регионот кој е екстремно погубен за морепловството.[2]

ГалеријаУреди

НаводиУреди

  1. Skeleton Bay – The Miracle Mile? Архивирано на 22 декември 2015 г. carvemag
  2. „The Shipwrecks of Skeleton Coast, Namibia“. www.amusingplanet.com.

Надворешни врскиУреди

Координати: 21°36′44″S 14°32′24″E / 21.61222° ЈГШ; 14.54000° ИГД / -21.61222; 14.54000