Килотоа
Килотоа — купа исполнета со вода и најзападен вулкан во Еквадорските Андите. Купата од 3 километри била формирана по распадот на овој дацитен вулкан по катастрофалната ерупција со показател на вулканска избувност од 6, пред околу 800 години, кој произвел пирокластични текови и лахари кои стигнале до Тихиот Океан. Оваа последна ерупција следела по период на латентност од 14.000 години и е позната како ерупција од 1280 година[2]. Четвртата еруптивна фаза била фреатомагнатска, што укажува на тоа дека езерото веќе постоело во тоа време[3]. Купата оттогаш акумулирала длабоко кратерско езеро од 250 метри, кое има зеленикава боја како резултат на растворени минерали. Фумаролите се наоѓаат на дното на езерото и на источниот дел на вулканот се појавуваат топли извори[1].
| Килотоа | |
|---|---|
 Килотоа | |
| Највисока точка | |
| Надм. вис. | 3914 м [1] |
| Заведена како | Список на вулкани во Еквадор |
| Координати | 0°51′40″S 78°53′50″W / 0.861193° ЈГШ; 78.897285° ЗГД |
| Географија | |
Килотоа на карта
| |
| Место | Котопакси , Еквадор |
| Матичен венец | Andes |
| Геологија | |
| Старост на карпата | 40,000 години |
| Вид | купа |
| Последен избув | 1280 |
Килотоа е туристичка локација со зголемена популарност. Патот кон врвот обично започнува со камион или автобус од градот Зумбахуа, 17 километри на југ, или почесто со автобус од Латакунга. Посетителите веќе не треба да плаќаат два долари за да ја разгледаат купата. Постојат голем број на едноставни хостели во непосредна област кои ги нудат своите услуги[4]. Активностите вклучуваат пешачење од четири до пет часа околу купата (чиј пречник е нешто над 3 км). Купестиот раб е мошне нерегуларен и достигнува максимални височини (3810 метри до севвер, 3894 метри до северозапад и 3915 метри до југоисток) во три лавини куполи. Искачувањето од 10 километри е стрмно на некои места и може да биде доста тешко, особено ако има магла.
Површината на езерото се наоѓа на 3.500 метри над морето. Вкупниот волумен на вода што се чува во езерото Килотоа е 0,35 км3. Според месните жители, нивото на езеро полека се намалува во текот на последните 10 години. Травертинските депозити се случуваат долж брегот до 10 метри над нивото на езерото (во 2000 година)[5].
Наводи
уреди- ↑ 1,0 1,1 „Quilotoa“. Глобална програма за вулканизмоит. Смитсонова установа. Посетено на 2007-01-25. (англиски)
- ↑ Patricia A. Mothes, Minard L. Hall (2008) "The plinian fallout associated with Quilotoa's 800 yr BP eruption, Ecuadorian Andes", Journal of Volcanology and Geothermal Research, Volume 176, Issue 1, 10 September 2008, Pages 56-69
- ↑ Water chemistry of Lake Quilotoa and assessment of natural hazards http://publiespe.espe.edu.ec/articulos/geologia/quilotoa/Quilotoa.pdf Архивирано на 16 февруари 2012 г.
- ↑ „Viva Quilotoa Travel Guide site visit Jan 31, 2009“. Архивирано од изворникот на 2013-02-11. Посетено на 2017-12-24.
- ↑ Journal of Volcanology and Geothermal Research 97 (2000) 271–285 http://publiespe.espe.edu.ec/articulos/geologia/quilotoa/Quilotoa.pdf Архивирано на 16 февруари 2012 г.
Надворешни врски
уреди| „Килотоа“ на Ризницата ? |
- Travel information Архивирано на 24 декември 2012 г.
- Travel information Архивирано на 6 декември 2008 г.
- Jan 2009 Updated travel info Архивирано на 11 февруари 2013 г.
- Events in Quilotoa