Извор (рудник)

За други значења на поимот Извор, видете на појаснителната страница

Извор — рудник на талк, кој се наоѓа околу 25 км јужно од Велес, во атарот на селото Извор. Оруднувањето се јавува по должината на главната тектонска руптура во тесен издолжен појас од околу 3–4 км, широк околу 150 м на контактот Вардарска зона и Пелагонискиот хорст антиклинориум. Оруднувањето се јавува на повеќе места, има слоевита форма со различна должина на протегање и дебелина до 5 m. Просторно талкот се наоѓа во талкшистите. Хемискиот состав на рудата е: SiO₂ 43%, Al₂O₃ 13,6%, MgO 18–23% и Fe₂O₃ 7,46%. Рудните резерви се околу 100.000 тони, а најголемиот дел е експлоатиран за потребите на фабриката за талк во Велес. Генетски наоѓалиштето е од контактно-метаморфен тип.