Жолта чапја
| Жолта чапја | |
|---|---|
| |
| Жолта чапја на Мадагаскар | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Пеликановидни |
| Семејство: | Чапји |
| Род: | Ardeola |
| Вид: | A. ralloides |
| Научен назив | |
| Ardeola ralloides (Scopoli, 1769) | |
| |
лето постојан жител зима | |
Жолтата чапја (Ardeola ralloides) потекнува од Стариот Свет и гнезди во јужна Европа и Средниот Исток.
Опис
уредиЖолтата чапја е мала чапја, долга од 44 до 47 см, од кои 20–23 см се тело, и имаат распон на крилата од 80 до 92 см.[2] Перјата на оваа чапја се жолтеникаво-окер. Стомакот, опашка и крилјата ѝ се бели. Долгите нозе ѝ се жолти, а краткиот дебел клун е зелено-жолт со црн завршеток. Вратот ѝ е многу кус. Лете, возрасните единки имаат долги пердуви на вратот. Кога летаат изгледаат како да се бели, заради бојата на долните пердуви и белите крилја. Младенчињата на жолтата чапја имаат потемни пердуви.
Живеалиште
уредиЖолтата чапја гнезди во слатководни мочуришта и мочурливи низини со трска во Медитеранот и југозападна Азија, Мароко и Етиопија. Таа е птица преселница, па во септември и октомври, лета во Африка, а само некои поединци остануваат да презимуваат во јужниот дел на Медитеранот. Како постојан жител е позната само во Унгарија.
Гнездење
уредиЖолтата чапја гнезди секоја година од април до јуни во колонии, заедно со други видови чапји, ибиси и мали корморани. Гнездото од трева и трска го прави на стебла од трска или ниски дрвја. Снесуваат 3-4 јајца кои и двајцата родители ги инкубираат и заеднички се грижат за младенчињата откако ќе се испилат, додека по 45 дена не станат самостојни.
Исхрана
уредиЖолтите чапји се најактивни во самракот и тогаш ловат разни инсекти, жаби и мали рипчиња.
Наводи
уреди- ↑ BirdLife International (2012). „Ardeola ralloides“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ David William Snow, Christopher Perrins (Eds) (1997). The Birds of the Western Palearctic [Abridged]. OUP. ISBN 0-19-854099-X.CS1-одржување: излишен текст: список на автори (link)
Надворешни врски
уреди| „Жолта чапја“ на Ризницата ? |
| „Ardeola ralloides“ на Викивидовите ? |
- Ageing and sexing (PDF) by Javier Blasco-Zumeta & Gerd-Michael Heinze Архивирано на 28 јануари 2012 г.
- Squacco Heron - Species text in The Atlas of Southern African Birds
- Ardeola ralloides на Flickr: Field Guide Birds of the World
- Ardeola ralloides на Avibase
- Oiseaux Images, call, text, map etc.