Жолни

Жолни
	Црношиеста жолна
Научна класификација
Царство:	Животни
Колено:	Хордови
Класа:	Птици
Ред:	Врапчевидни
Подред:	Песнопојни
Семејство:	Жолни; Vigors, 1825
Родови
	Oriolus; Sphecotheres; Turnagra†;

Жолни (науч. Oriolidae) — фамилија врапчевидни птици од Стариот Свет.

Таксономија

Фамилијата жолни ги соединува „смоквините птици“ од родот Sphecotheres и жолните од Стариот Свет од родот Жолни.^[1] Оваа фамилија не е поврзана со жолните на Новиот Свет кои се од фамилијата на Иктеридите.

Опис

Жолните се средни врапчевидни птици, долги од 20 до 30 см, а женките се само малку помали од мажјаците.^[1] Клунот им е малку кукасто свиткан. Перјето на повеќето видови е светло и впечатливо, додека кај женките тоа е малку поскромно. Перјето на многу австралиско-азиски жолни го имитираат перјето на поголемите птици, за да се заштитат.^[2]

Поведение

Жолните се моногамни птици, живеат во парови, иако се среќаваат и такви кои живеат во помали колонии.^[1] Местото на гнездење може да го одберат во близина на поагресивни видови, како страчките, на пример, што им обезбедува некој вид заштита. Гнездото им е длабока плетена кошничка која виси на гранката како лежалка. Тие обично несат две до три јајца, но до сега е забележано најмногу шест.

Распространетост и живеалиште

Фамилијата на жолните е распространета во Африка, Европа, Азија и Австралија. Тие се птици-преселници. Живеат на дрво и имаат тенденција да се хранат во крошната, односно во шумскиот покрив.^[1]

Поврзано

Список на птици во Македонија

Наводи

↑ ^1,0 ^1,1 ^1,2 ^1,3 Walther, B; Jones, P (2008). „Family Oriolidae (Orioles and Figbirds)]“. Во Josep, del Hoyo; Andrew, Elliott; David, Christie (уред.). Прирачник за птиците во светот. Volume 13, Penduline-tits to Shrikes. Barcelona: Lynx Edicions. стр. 692–713. ISBN 978-84-96553-45-3.
↑ Diamond J (1982). „Mimicry of friarbirds by orioles“ (PDF). The Auk. 99 (2): 187–196.

Надворешни врски

Видео снимки на жолни Архивирано на 16 март 2016 г. — Интернет-збирка на птици (англиски)
Емили Дикинсон, „Да се чуе песната на жолните“ — Викиизвор (англиски)

[HBW-1] 1,0 ^1,1 ^1,2 ^1,3 Walther, B; Jones, P (2008). „Family Oriolidae (Orioles and Figbirds)]“. Во Josep, del Hoyo; Andrew, Elliott; David, Christie (уред.). Прирачник за птиците во светот. Volume 13, Penduline-tits to Shrikes. Barcelona: Lynx Edicions. стр. 692–713. ISBN 978-84-96553-45-3.

[2] Diamond J (1982). „Mimicry of friarbirds by orioles“ (PDF). The Auk. 99 (2): 187–196.

[1]

[2]