Живоинов смил

Живоинов смил
Научна класификација
Царство:	Растенија
Нерангирано:	Скриеносеменици
Нерангирано:	Евдикоти
Нерангирано:	Астериди
Ред:	Ѕвездовидни
Семејство:	Главоцветни
Род:	Смил
Вид:	H. zivojinii
Научен назив
Helichrysum zivojinii Černjavski & Soška

Живоинов смил (латински: Helichrysum zivojinii) — локален македонски калцифилен флористички ендемит од семејството Ѕвездовидни. Се среќава само на планината Галичица. Расте на надморска висина помеѓу 1000 и 1700 метри. Во 2008 година Македонска пошта издала поштенска марка со оваа ендемска билка.

Опис

Повеќегодишно тревесто растение со дрвенести разгранети подземни и со полудрвенести , околу 50cm високи исправени надземни стебла. Целото растение е белузлаво-сивкасто обоено од долги прости и безбојни влакна, кои скоро целосно ги маскираат кусите жлездести влакна и зелената боја на листовите.

Листови

Листовите се спирално распоредени и седечки. Долните се околу 7 cm долги,лопатовидни, над средината и кон врвот широки до 6(8)mm, со заострен и кусо зашилен завршеток,многу ретко со округол и тап врв . Горните листови се линеарни, 2-4 mm широки, кон врвот стеснети и зашилени.Лисниот раб е рамен. Бројот на жлездестите влакна е многу мал.

Цвет

Цветовите се собрани во главички на долги дршки,кои образуваат сложено-рацемозни соцветија. Главичките се широки околу 7(8) mm, со отворено жолта обвивка. Ливчињата во обвивката (над 40) се сосема голи и само при основата се густо белузлаво влакнести.

Плод и семе

Плодот и завршетоците на круничката се покриени со ретки папили.

Екологија

Варовнички камењар во планинскиот и субалпскиот појас.

Распространетост

• Галичица: In rupestribus calcareis:sub cacumine mt. Tomoros(leg. Horvat,Rudski&Černjavski)
• Галичица:ad Asandjura (leg.Lindtner)
• Галичица:supra pag. Ljubanište mt.St.Galičica (leg.Grebenščikov)
• Галичица:ad Sirči Han ad lacum Prespa (leg.Soška)
• Галичица:Томорос, на варовнички камењар. 1400-1700 == Наводи ==