Женидба (Гогољ)

Женидба — комедија на рускиот писател Николај Гогољ.

„Женидба“
Корица на изданието од 1901
Автор	Николај Гогољ
Место на премиера	Бродвеј, Театар Били Роуз
Изворен јазик	Руски
Тематика	брачна расправија
Жанр	комедија

Ликови

Главниот лик во драмата е дворскиот советник Потколесин кој не може да си најде соодветна жена, затоа што го бара совршенството. Истото го бара и Агафја, која постојано им наоѓа недостатоци на оние кои ја бараат за жена.

За делото

Гогољ започнал да ја пишува комедијата „Женидба“ во 1833 година, првата редакција била завршена во 1834 година, но тој не бил задоволен и го преработил текстот, најпрвин во 1835, а потоа и во 1836 година, додека крајната верзија ја завршил дури во 1841 година. Премиерата на „Женидба“ била одржана во 1842 година, а претставата поминала неславно, а според критичарот Белински, за неуспехот многу повеќе се заслужни глумците отколку самото дело. Сепак, некои критичари му забележале на Гогољ дека во „Женидба“ нема ни заплет, ни расплет, ни типови, ни духовитост, па дури ни веселост. Современите критичари сметаат дека современиците на Гогољ не ја разбрале добро драмата, како дело со „отворена структура“ кое не се затвора во некоја дефинитивна форма. Сепак, според некои критичари, оваа комедија не е достојна на името на Гогољ.

Исто како „Ревизор“, и оваа комедија е многу популарна и до ден-денес останала да се прикажува во театрите ширум светот. Иако според својот заплет, таа е слична на многубројните водвиљи што се прикажувале во тоа време, сепак нема ништо заедничко со нив, туку претставува реалистичко дело во кое е дадена слика на средните општествени слоеви. Со ова дело, Гогољ се јавува како претходник на големиот руски реалистички драмски писател А. Н. Островски.