Евгенија Гранде

Евгенија Гранде — роман од францускиот писател Оноре де Балзак издаден во 1833. Балзак раскажува за пренесување на скржавоста од таткото на ќерката Евгенија, преку невозвратената љубов од нејзиниот братучед. Како и во останатите романи на Балзак, ликовите се претставени според нормите на реализмот.

Евгенија Гранде

илустрација од изданието во 1897
Автор	Оноре де Балзак
Изворен наслов	Eugénie Grandet
Земја	Франција
Јазик	француски
Серијал	Човечка комедија
Издадена	1833

Евгенија Гранде е дел од капиталното дело Човечка комедија, кое Балзак го осмислил додека го пишувал овој роман. Балзак во второто издание на Евгенија Гранде ревидирал некои од имињата на ликовите за го вклопи романот во Човечка комедија. Подоцна се испоставило дека книгата била инспирирана од Марија ди Фресно, љубовница на писателот, кој преку романот претставил дел од семејното стебло на Марија.

Писателот Фјодор Михајлович Достоевски ја започнал својата кариера преведувајќи ја Евгенија Гранде на руски во 1843. Неколку филмови се снимени според романот.