Драги другари

„Драги другари!“ (руски: Дорогие товарищи!) — филм на Андреј Кончаловски од 2020 година. Главните улоги ги играат: Јулија Вијсотскаја, Владислав Комаров и Андреј Гусев. Филмот бил руски кандидат за наградата „Оскар“.

Синопсис

Комунистичката власт на СССР во 1962 година ги зголемила цените на храната. Поради тоа, една храбра и бунтовна група работници од градот Новочеркаск започнала штрајк. Во филмот се прикажува масакрот врз работниците, набљудуван низ очите на една партиска активистка.