Детско одморалиште „Титови пионери“ - Николиќ

Детско одморалиште „Титови пионери“
Детско одморалиште „Титови пионери“
	Воздушен поглед на детското одморалиште
Општи податоци
Статус	напуштено
Вид	одморалиште
Град	с. Николиќ
Земја	Македонија
Координати	41°15′6″N 22°44′15″E / 41.25167° СГШ; 22.73750° ИГД
Надм. височина	155 м
Завршена	1970-ти
Сопственик	Министерство за труд и социјална политика
Технички податоци
Подна површина	6.082 м2

Детско одморалиште „Титови пионери“ — детско одморалиште во непосредна близина на селото Николиќ, сместено на северниот брег на Дојранското Езеро, во југоисточниот дел на Македонија.^[2]

Одморалиштето се наоѓа во многу лоша состојба, целосно напуштено, обраснато со вегетација, а внатрешноста е целосно руинирана.^[3]

Местоположба

Одморалиштето се наоѓа на северниот брег на Дојранското Езеро, пред самото село Николиќ.

Архитектура

Градбата поседува пет посебни единици кои се симетрично поставени, како и заеднички придружни објекти. Самата градба е од комбинација на изложен (натур) армиран бетон и груба малтерна обработка со нагласен висок кров поставен на метална конструкција.^[2]

Сопственост

Според последни достапни информации до 2015 година, објектот бил во сопственост на Министерството за труд и социјална политика, кога имало обид да се продаде заедно со уште пет други вакви одморалишта.^[2]

Во 2022 година, од Општина Дојран изјавувале дека има голем интерес да се инвестира во ова место.^[3]