Големиот неред

„Големиот неред“ (српски: Велика фрка) – филм на режисерот Милан Јелиќ од 1992 година, по сценариото на Верослав Ранчиќ. Главните улоги ги играат: Драган Николиќ, Оливера Марковиќ, Миќа Томиќ, Радмила Живковиќ, Оливера Јежина, Игор Первиќ, Ксенија Јаниќијевиќ и Велимир Бата Живоиновиќ.

Синопсис

Чеда работи како службеник кого сите го малтретираат: тој е задолжен да ја шета пудлицата, вари кафе за друштвото на неговата сопруга итн. Тој мора да оди на бања, зашто мајката на неговата сопруга одлучила да оди на годишен одмор, а тој е нејзиниот задолжителен придружник. Меѓутоа, поради работата, тој мора да се врати дома, а таму наоѓа голем неред: многу згодни девојки, локални силеџии и некои смешни типови. Така, тој се наоѓа во дилема како да се оттргне од тој неред.