Глеѓ

Глеѓта (лат. substantia adamantina s. enamelum) претставува надворешната обвивка на коронката на забот, таа го заштитува дентинот од влијанијата во усната празнина . Изградена е од органска матрица (од 4% до 8%) и кристали на хидроксиапатит (од 92% до 96%). Од нив 12% ѝ припаѓаат на водата. Дебелината на глеѓта варира и најтенка е во пределот на вратот на забот, каде преоѓа во цемент кој го покрива коренот на забот, а најдебела е на џвакалните површини (кај преткатниците и катниците) и секалните рабови кај предните заби. Тоа е најцрвстата супстанција во човековото тело.

Глеѓ
Катник
Податоци
Назнаки
Латински	enamelum
TA	A05.1.03.056
FMA	FMA:55629
[уреди на Википодатоците]

Неправилности во структутата на глеѓта

Катник кај човек со прикажани делови, меѓу кои и глеѓта.

Тие настануваат во времето на создавањето на глеѓта, кога врз процесот на создавање на органска матрица, минерализација и созревањето на глеѓта делуваат негативни фактори.

Постојат неколку фактори кои условуваат појава на структурни аномалии на глеѓта:

• Општи фактори
• Локални фактори
• Наследување
• Интоксикација и
• Непознати причини
• Неправилност предизвикана од дејството на општите фактори се нарекува хипоплазија на глеѓта.
• Неправилност предизвикана од дејството на локални фактори се нарекува Тарнерова хипоплазија.
• Неправилност предизвикана од дејството на наследни фактори се нарекува Amelogenesis imperfecta.
• Неправилност предизвикана од дејството на интоксикација (труење) се нарекува флуороза на забите.
• Неправилност предизвикана од дејството на сѐ уште неразјаснети причини може да се види како локализирано заматување на забите.