Герт Филкинг

Герт Аке Филкинг (роден на 7 октомври 1945 година) е шведски глумец, новинар, политичар (христијански-демократ) и водител на радио програмата Светот на Герт на Радио 1 101,9 FM, каде што бил познат по прекарот Филкинг Шведска. Учествувал во многу театарски продукции, филмови и ТВ програми. Оженет е со Тања Филкинг; имаат шест деца и живеат во Стокхолм. Меѓу неговите пријатели се Роберт Ашберг, Хасе Аро и Ленарт Јекел, а особено покојниот Кристер Петерсон (од нивното детство).

Радио

Заедно со Тити Шулц и Роџер Нордин, Герт Филкинг бил водител на шоуто наведено погоре. Тој бил познат и по тоа што извикал „Конечно!“ на прес-конференцијата на која било објавенно името на добитникот на Нобеловата награда за литература (Гао Сјингѓен) во 2000 година, а го направил тоа повторно во 2001 година.

Контроверзност

На 17 април 2012 година, Филкинг ги споредил Србите со Андерс Беринг Брејвик во неговото шоу „Светот на Герт“. Зборувајќи за норвешкиот масовен убиец, Филкинг спомнал дека „светот е полн со ликови како Брејвик“ и продолжил: „Успеавме да фатиме и многу други. Ги фативме овие Срби кои се однесуваа како крвави свињи и убија стотици илјади луѓе во бегство. Ги фативме. Но, дали мислите дека им судат Србите? Не, Србите ги поздравуваат како херои. Па кои се психопатите? Дали мнозинството од српското население е глупаво или само овие луѓе кои се осудени за воени злосторства се идиоти?“

По силната јавна реакција, вклучително и писмо со протест до станицата од страна на српскиот амбасадор во Стокхолм, Душан Црногорчевиќ, Филкинг се извинил за изјавите, но бил суспендиран од работа на неодредено време.

Избрана филмографија

2006 - Билар (филм)
2002 - Хеја Бјорн (ТВ серија)
1997 - Адам и Ева
1996 - Зло Ед
1996 - Сребрениот човек - минисерија
1994 - Извештај до рајот - минисерија
1992 - Северниот експрес
1992 - Имај прекрасен живот
1992 - Хасел - Црниот брег
1984 - Човекот од Мајорка

Надворешни врски

Герт Филкинг на Семрежната филмска база на податоци (англиски)

Рикс ФМ