Википедија:ВикиПроект Спорт/Стил на уредување

Оваа страна претставува прирачник за стилот на македонската википедија. Општо е прифатен стандардот дека уредувачите треба да ги следат наведените правила, иако истите може да се користат понекогаш и со некои исклучоци. При уредувањето на оваа страница, Ве молиме прво уверете се дека вашата промена рефлектира консензус. При двоумење, дискутирајте прво на страницата за разговор.

Именување на статии

Доколку постројат две или повеќе спортски статии со иста содржина, доволно е содржината да остане само на една, а останатите да се употребат како страници за пренасочување.
Доколку насловот на едн статија носи исто име со некоја друга статија со различна содржина, потребно е во насловот поконкретно да се неведе содржината на статијата.

Пример:Ролан Гарос (турнир) - турнир, а Ролан Гарос - личност.

Секогаш користете соодветен македонски превод. Ова особено важи кај имињата на некои организации. Но, доколку се употребуваат кратенки тогаш е можно да се употребат оригиналните називи, но со кирилично писмо. На пр. ФИФА, ФИДЕ, ФИБА, ФИНА итн. Истото важи и кај спортовите чии имиња се интернационализми и имаат универзална употреба. На пр. бејзбол, крикет, хокеј итн.
Обрнете внимание и на македонскиот правопис. Ова особено важи при транскрипцијата на туѓите имиња. Името и презимето се пишуваат со голема почетна буква, а средното или татково име ако е скратено со голема, но ако не е цо мала почетна буква.

Пример: Вилијам Г. Морган, Питер ван дер Хогебанд.

Обрнете внимание и на запишувањето на броевите од годините. Ова е особено значајно при именувањето на спортските настани. Според правописот на македонскиот јазик, годините не смее да се членуваат со зборови, туку со точка од крајот на бројот.

Пример:1920-та1920.. Но, ова правило потребно е да се применува само при пишувањето на содржината. За бројките во насловот на статијата и не мора на крајот да има точка.

Категоризација

По завршувањето на содржината на статијата, потребно е на крајот на статијата да се додаде:

надворешни врски со некои веб-страни на кои се наоѓаат информации наведени во содржината на статијата;
референци преку кои читателот на статијата ќе се увери во нејзината точност (но доколку има надворешни врски или некои други показатели и не мора да се наведат);
соодветни предлошки кои и не мора да се наведат;
категории со кои се категоризира и уредно распоредува статијата;
интервикија со Википедија на другите јазици.