Верица Недеска

Верица Недеска (Охрид, 8 август 1978) — македонска филмска и театарска глумица и магистрант по филмско сценарио на ФАМУ во Прага.

Образование

Дипломирала во 2001 година, на Факултетот за драмски уметности, отсек глумечка игра, во класата на професорот Владимир Милчин. Во 2012 година се запишува на магистерски студии по сценарио на престижниот ФАМУ (Film Academy of Performing Arts) во Прага.

Професионална кариера

Нејзиниот глумечки талент, уште додека е студентка на Факултетот за драмски уметности, ја прави една од најангажираните млади глумици, како на театарските сцени, така и во филмот. Во нејзиното театарско творештво, остварува поважни соработки со еминентни режисери како Слободан Унковски, Владимир Милчин, Иван Поповски, Никита Миливојевиќ, Зоја Бузалковска, Деан Дамјановски, и во филмската уметност со режисери како Дамјан Козоле, Рајко Грлиќ, Иво Трајков, Вит Панцир и др. Во 2012 година, добива целосна стипендија за магистерски студии по филмско сценарио на престижниот ФАМУ во Прага(Film and TV School of Performing Arts - Prague). Таа е учесник на неколку работилници за сценарио на Филмскиот фестивал во Трст (Trieste Film Festival), Симпозиумот “Писателите за европа“ ( Writers for Europe symposium), Амстердам и Мидпоинт. Таа се јавува и како режисерка на две од четирите нејзини авторски сценарија “Домашна работа“ и „Растење“ (“Home work” and “Growing up”). Нејзиниот краток филм „Прекршување на круговите“ (“Breaking the circles“) ја добива Специјалната награда од Жири на Monaco Charity Film Festival, во 2012, а нејзиното четврто сценарио “Само за губитници“, е исто така филмувано. Во моментов таа работи на нејзиното прво сценарио за долгометражен филм. Верица Недеска е основачка и членка на музичко - поетскиот проект Starowski.

Филмографија

Сценарист: 2013– САМО ЗА ГУБИТНИЦИ (краток) 2013 – РАСТЕЊЕ (краток) 2012 – НЕДОВРШЕНА ПРИКАЗНА (краток) 2012 – ДОМАШНА РАБОТА (краток)

Режисер: 2013 – РАСТЕЊЕ (краток) 2012 – ДОМАШНА РАБОТА (краток)

Глумица во долгометражни филмови:

2015 – МЕДЕНА НОЌ (Ана) 2012 – ТРЕТО ПОЛУВРЕМЕ (Жамила) 2012 – СТРАНЕЦ (Лина) 2010 – РАДОСТ (Неда) 2009 – СОЗЕРЦАНИЕ (Олива) 2008 - СЕСТРА (Црна) 2006 – КАРАУЛА (Мирјана) 2005 – БАЛ – КАН – КАН (Силуваната) 2004 – ГОЛЕМАТА ВОДА (Оливера) 2003 – КАКО ЛОШ СОН (Вера) 2003 – РЕЗЕРВНИ ДЕЛОВИ (Илинка)

Награди и признанија

2014 – Комплетна стипендија за работилница за сценарио во Грција – МФИ. 2012 – Специјална награда од жирито за "Недовршена Приказна" – Monaco Charity Film Festival 2003 – Награда за најдобра женска улога – театарски фестивал Војдан Чернодрински 2001 – Награда за најдобар млад глумец – театарски фестивал Војдан Чернодрински

Надворешни врски

• https://pl.wikipedia.org/wiki/Werica_Nedeska
• http://www.fdu.ukim.edu.mk/
• http://www.famu.cz/
• http://www.triestefilmfestival.it/?lang=en
• http://www.monacofilmfestival.de/
• http://www.mtf.com.mk/2014/mk/index.php Архивирано на 23 декември 2014 г.
• https://mk.wikipedia.org/wiki/%D0%9C%D0%A2%D0%A4_%E2%80%9E%D0%92%D0%BE%D1%98%D0%B4%D0%B0%D0%BD_%D0%A7%D0%B5%D1%80%D0%BD%D0%BE%D0%B4%D1%80%D0%B8%D0%BD%D1%81%D0%BA%D0%B8%E2%80%9C
• http://www.imdb.com/name/nm1077497/