Васил Зограф
Васил (Василак) Георгиев Зограф — македонскио зограф и иконописец кој творел во втората половина на XIX век.
| Анастас Зограф | |
|---|---|
| Роден(а) | Струмица, Османлиско Царство |
| Националност | Македонец |
| Занимање | иконописец, зограф |
| Значајни дела | во текстот |
| Роднини | Георги Велјанов (татко) |
Животопис уреди
Роден е во Струмица. Бил син на истакнатиот зограф и градител Георги Велјанов. Васил работел во втората половина на XIX век.[1] Автор е на некои од иконите во црквата „Св. Константин и Елена“ во Раклиш кај Радовиш.[2] Фреските на црквата „Св. Константин и Елена“ во делчевско Разловци од 1859 г. се дело на Васил. Иконите на црквата се од XIX век, дело на Григориј Пецанов, Васил Зограф и непознати автори.[3] Васил во црквата ги насликал и иконите на царот Константин и царицата Елена.[4]
Негови се по една икона во црквите „Св. Константин и Елена“ во струмичкото село Моноспитово и „Успение на пресв. Богородица“ во Секирник, исто така во Струмичко.[5] Работи и в „Св. Атанасиј“ во Прждево, Демиркаписко.[6]
Автор е на иконите на Богородица и Христос, поставени на иконостасот на црквата „Св. Мина“ во Ќустендил. Васил се потпишал и на двете икони, датирани од 1860 г. На иконата на Богородица напишал: „Азъ Васілъ Зуграфъ отъ Струмница: 1860 Помѧни Гди еснафъ дулгерскій поклониха за душевно ихъ спасеніе“, а на онаа на Исус Христос – „Азъ Васілъ зѡ Ст(р)умница 1860. Помѧни Гди еснафъ ковачкій поклониха за душевное ихъ спасеніе“[1]
Најверојатно негови се и иконите во црквата „Св. Теодор Тирон“ во Совољано, Ќустендилско. Иконата на Богородица во оваа црква е речиси идентична со истоимената икона на Васил Зограф, работена истата 1860 г. за „Свети Мина“. Иванка Гергова го нарекува Васил Зограф „многу интересен мајстор“ и смета дека во неговите икони има орнаментика која потсетува на делата на Данаил Штипјанецот, кој две години подоцна изработил икона за истата ќустендилска црква.[7] Според Гергова можно е Данаил да го познавал зографот или дури и да бил негов ученик, или ученик на татко му.[7]
Наводи уреди
- ↑ 1,0 1,1 Василиев, Асен (1965). Български възрожденски майстори: живописци, резбари, строители. София: „Наука и изкуство“. стр. 289.
- ↑ „Радовишко архиерејско намесништво“. Брегалничка епархија. Архивирано од изворникот на 7 април 2014. Посетено на 17 април 2014.
- ↑ „Трботивишка парохија“. Брегалничка епархија. Архивирано од изворникот на 27 март 2014. Посетено на 17 април 2014.
- ↑ Апостолски, Михаило (1878). Македонија во источната криза 1875-1881. МАНУ. стр. 664.
- ↑ Чаловска, Емилија Апостолова (2022). „Осврт на преродбенската црковна архитектура во Струмичкиот. Регион“ (PDF). Македонски фолклор (81): 219–220.
- ↑ Чаловска, Емилија Апостолова (2022). „Осврт на преродбенската црковна архитектура во Струмичкиот. Регион“ (PDF). Македонски фолклор (81): 219.
- ↑ 7,0 7,1 Гергова, Иванка (2010). „Зограф Данаил Щиплията“ (PDF). Патримониум. 7 - 8: 425–426.