Вардарски четнички корпус

Предлошка:Infobox command structure Вардарскиот четнички корпус бил составен дел од вооружените сили на Равногорското движење на Дража Михаиловиќ во Вардарска Македонија.

Вардарски четнички корпус
„За кралот и татковината“ „Слобода или смрт“
Активна	? — почеток на март 1944
Земја	Кралство Југославија
Припадност	Четници
Род	војска
Улога	анти-фашистичка и анти-комунистичка борба
Големина	1,000 војници
Битки	Југославија во Втората светска војна
Команданти
Командир на корпусот	Стојан Крстиќ, капитен  †
Командир на Кумановска бригада	Никола Јаничевиќ

Историја

Во летото 1943 година бил формиран штабот на Вардарскиот четнички корпус на чело со командантот Стојан Крстев (Крстевиќ), гардиски капетан на бившата кралска југословенска армија, роден во Порече, по потекло Македонец. Вардарскиот четнички корпус го сочинувале Прешевската, Кривопаланечката, Скопската, Жеглиговската и Ристовачката четничка бригада, а неговата дејност се одвивала на територијата Врање - Гнилање - Велес - Гевгелија - бугарска граница.

Прешевската бригада била под команда на поручникот Александар Горѓевиќ и се движела на теренот Прешевска долина - Пчињска околија. На Кривопаланечката бригада, пак, команданти биле Ангел Манасиевски, потоа Ѓорѓи Попов, а на крајот Петруш Стефанов, сите Македонци. Жиглиговската била под команда на Милош Анастасиевиќ и се движела до Пчиња, а Скопската бригада, под команда на Никодин Урдаревски, роднина на Александар Урдаревски, дејствувала на теренот на Скопска Црна Гора.

Бројната состојба и вооружувањето на Вардарскиот четнички корпус не може со сигурност да се утврди, но извесно е дека на почетокот на 1944 година нејзиниот командант, Крстев, имал околу 800 луѓе под оружје, претежно Македонци.

Во текот на 1944 година македонските четници биле целосно разбиени и дефинитивно се повлекле од територијата на Вардарска Македонија.