Бјорн Густафсон

Ларс Бјорн Густафсон (19 февруари 1986 година) е шведски комичар и актер. Тој е познат по ТВ емисиите како Парламентет и Стокхолм во живо.

Раниот и личен живот

Густафсон е роден во Гетеборг, Шведска. Студирал во театарската школа Кале Флајгарес во Стокхолм за да стане глумец. Неговото филмско деби се случило во 2006 година со шведскиот филм Бек - Девојката во подрумот. Но, пред неговото деби како глумец, тој веќе дебитирал во 2005 година како стенд-ап комичар во Комедија на банги, шведски клуб за стенд-ап почетници. Во 2006 година се запишал во Стендап ѕвезда, стенд-ап училиште, каде што, меѓу другите, учеле и Оз Нојен и Јакоб Оквист, двајца од најпознатите комичари во Шведска.

Кариера

Во 2008 година, тој се појавил на Мелодифестивален 2008, шведските избори за Песна на Евровизија. Тој и пеел песна на девојката на Кристијан Луук(водителката) Карина Берг. Во својата песна тој ѝ изјавил љубов. После тоа, Берг рекол дека морала да ги скрие образите за луѓето да не виделе дека таа поцрвенувала.

Густафсон стекнал одреден степен на меѓународна слава по шегата на World of Warcraft (WoW) во Парламентот, зборувајќи за луѓето што губеле време на интернет и не придонесувале за напорите на нивната партија играјќи неефикасно, користејќи толку многу внатрешна WoW терминологија што самиот тој бил неразбирлив на неиграчи. Сцената бил распространета преку Интернет, главно на YouTube, каде што можело да се најдат и преводи на други јазици.

Во 2008 година, Бјорн добил големо медиумско внимание со големи напори во Парламентет и како забавувач во интервалите на Мелодифестивален. Тој, исто така, бил изгласан за најсмешниот човек во Шведска од читателите на Афтонбладет на 6 март 2008 година. Ги читал и шведските гласови на Евровизија 2008 година. Тој ги продолжил своите „стенд-ап“ шоуа на големата сцена, на 44-то доделување на Гулдбаге наградите во 2009 година заедно со Јохан Гланс и со Роберт Густафсон на Свенска идротсгалан 2009 година (шведски атлетски награди), каде што ги претставил и номинациите за дебитант на година.

Од 2016 година, тој ја играл улогата на Дон во американската хумористична телевизиска серија Луѓе на Земјата.

Филмови

Бек - Девојката во подрумот (2006)
Големите луѓе (2008)
Кени започнува (2009)
Бјорн Густафсон: Животно дело
Тина и Бетина Филмот
Накит на круната (2011)
Пилотска кабина (2012)
Шпион (2015)
Кунг Фјури (2015)
Станувајќи Астрид (2018)

Телевизиски емисии

Избор за песна на Евровизија 2008 година
Мелодифестивал 2008 (чин на пауза)
Парламентет
Екстра! Екстра!
Фала богу
Утринскиот кауч
Шведска ја бакнуваат и гушкаат
Стокхолм во живо
Идол
Дупка во ѕидот
Канцеларијата
Божиќен календар: Децата Хеденхос го измислуваат Божиќ
Јужно од Фолкунгагатан
Комедијанците (една епизода како Џонас)
Луѓе на Земјата (Дон)

Награди

Шведскиот најсмешен човек 2008 година од весникот Афтонбладет.