Бисерчиња од детски главчиња
„Бисерчиња од детски главчиња“ — проза за деца на македонската писателка Славка Арсова. Книгата претставува збирка на оригинални детски искажувања.
| Автор | Славка Арсова |
|---|---|
| Земја |  Македонија |
| Јазик | македонски |
| Жанр | проза |
| Издавач | Академски печат |
Издадена | 2009 |
| Медиум | печатено издание |
Содржина
уредиКнигата „Бисерчиња од детски главчиња“ ,е составена од анегдоти кои на крајот имаат коментар како поука. Ова е четиво кое им се обраќа на младите читатели, „на еден непосреден начин, преку форма која не е ниту роман, ни повест, ни расказ, ни сказна, а сепак е интересна и необична, со префинета дидактика која не се натура, туку едноставно самата произлегува од текстовите.“- пишува Горјан Петревски во рецензијата на второто издание на книгата.[1]
Изданија
уредиПрвото издание е во 2009 година од издавачката куќа „Академски печат“, Скопје Второто издание е веќе следната 2010 година, повторно во издание на Академски печат, Скопје. [2]
Осврт кон делото
уредиДелото на Славка Арсова, според зборовите на Горјан Петревски „е целина од шеесет одделни, самостојни текстови во форма на искажувања со поента експонирана од детскиот видокруг и пак наменета за истиот тој свет од каде што и доаѓа. Една добра обмисла од самиот извор во кој детето како субјект, во својот мисловен и емотивен објектив ги перципира своите видувања.“ [3]
Оваа книга се надоврзува на претходното творештво на авторката, каде таа го открива богатството на светот на Детето, а овој пат уште посуптилно преку прекрасни пораки кои произлегуваат од чистиот детски свет. Со својата луцидност и шарм оваа книга успева да ги заведе не само децата туку и возрасните, претставувајќи редок вид на текст кој на непосреден и ненаметлив начин кажува што е добро или лошо, но и да не насмее до солзи, оти не е наменет само за корекција на детското однесување, туку и за однесувањето на возрасните.