Балот кај Мулен де ла Галет
Балот кај Мулен де ла Галет (попозната и како Танцувањето кај Мулен де ла Галет ) ― слика, масло на платно од 1876 година од францускиот уметник Пјер Огист Реноар. Денес се наоѓа во Музеј Орсе во Париз и една е од најпознатите ремек-дела на импресионизмот. Создадена е само две години после првата изложба на импресионистите. Сликата прв пат е претставена на третата изложба на импресионистите 1877 година и се истакнала као сликарска поема на среќата и благосостојбата.[1]
.jpg)
| |
| Творец | Пјер Огист Реноар |
|---|---|
| Година | 1876 |
| Димензии | 131 см × 175 см |
| Место | Музеј Орсе, Париз |
Опис уреди
На неа се прикажани танчерите облеани сосветлината на попладневното сонце во дворот пред Мулин де ла Галет во Париз на Монмартр. На ова место за танцување најчесто во саботата попладне кога времето било убаво, се собирале најчесто помлади луѓе, припадници на средната класа. Во сликата владее атмосферата на идиличното летно попладне, во кое сонцето низ гранките, но и запалени ламби, ги осветлува танчерите.[2]
Стил уреди
Сликата е внимателно надоградувана и композициски и стилски со инсистирање на доловување на сефкупниот впечаток на светлината,како и поетиката која е во слава на животот, во слава на урбаната социјализација и неотуѓеност.
Боите, начинот на поставување и градација на копозицијата, линиската колористичка ритмика како и чувството на светлосно треперење, всушност го претставуваат импресионизмот во целосна авторска ликовна ангажираност и естетска верба.[3]
Влијание уреди
Иако сликата се појавува дури на третата изложба на импресионистите, таа според слободата на изразот, неверојатното чувство за светлината и избраниот чист, скоро лежерно пастелен и лебдечки колорит, ќе биде уште поголемо ослободување на импресионистите како и патоказ кон понатамошниот творечки ангажман на ликовните уметници кои во природата ќе ја пронајдат севкупната инспирација и хармонија на човечот со севкупното опкружување. Таа е и своевиден вовед во идниот постимпресионизам. се е во слава на животот и природата, како своевидна последна песна пред големите ужаси кои понатаму, особено од почетокот на дваесеттиот век ќе ја раздрма севкупната цивилизациска оставнина на човештвото.[4]
Наводи уреди
- ↑ LE MOULIN DE LA GALETTE
- ↑ „Auguste Renoir (1841-1919)“. Архивирано од изворникот на 2018-11-17. Посетено на 2021-01-21.
- ↑ l’Œuvre à la loupe[мртва врска]
- ↑ „Dance at Le Moulin de la Galette (1876)“. Архивирано од изворникот на 2020-08-13. Посетено на 2021-01-21.
Надворешни врски уреди
- Dance at Le Moulin de la Galette, 1876, Auguste Renoir, Google Art Project, www.googleartproject.com
- Пьер Огюст Ренуар — Бал в Мулен де ла Галетт, impressionism.su