А бре Ѓоре, лажго Ѓоре

„А бре Ѓоре, лажго Ѓоре“ — македонска народна песна, напишана од непознат автор веројатно и стотици години пред повоениот период. Во песната, авторот го укорува насловниот Ѓоре, кој што бил непоправлив и компулсивен лажго. Песната има јасен хумористичен карактер.

„А бре Ѓоре, лажго Ѓоре“
Песна од Јонче Христовски, Трпе Череповски
од албумот „Заспал зетот на венчавка“ (1967), „Macedonian Folklore Classics“ (2001)
Јазик	македонски
Напишана	?
Објавена	Јули, 1967 година, Јануари, 2001 година
Студио	ПГП-РТБ, МРТ
Жанр	македонска народна музика
Должина	2:46 (1967)
Композитор(и)	непознат, со разни современи аранжмани

Одлики

Аранжманот е во 4/4 такт, а испеана е неколку пати од Јонче Христовски и еднаш, за прв пат, заедно со Трпе Череповски.

Текст

А бре Ѓоре, Ѓоре, лажго Ѓоре,
абре Ѓоре, лажго Ѓоре,
кога уста ќе отвориш море,
мора лага да прозбориш,
кога уста ќе затвориш, море,
тогај нова лага кроиш.

А бре Ѓоре, Ѓоре, лажго Ѓоре,
абре Ѓоре, лажго Ѓоре,
на моми се фалиш, збориш море,
дека имаш нова куќа,
а ти немаш ни копшара море,
а камо ли нова куќа.

А бре Ѓоре, Ѓоре, лажго Ѓоре,
абре Ѓоре, лажго Ѓоре,
на моми се фалиш, збориш море,
дека имаш врана коња,
а ти немаш ни криво магаре,
а камоли врана коња.

А бре Ѓоре, Ѓоре, лажго Ѓоре,
абре Ѓоре, лажго Ѓоре,
на моми се фалиш, збориш море,
дека имаш триста овци,
а ти немаш триста вошки, море,
а камо ли триста овци.

Надворешни врски

• А бре Ѓоре, лажго Ѓоре (текст и музика) на pesna.org Архивирано на 15 октомври 2020 г.