Азербејџанска државна академска опера и балет

Ахундова азербејџанска државна академска опера и балет ( Азербејџан:Axundov adına Azərbaycan Dövlət Akademik Opera v Balet Teatrı ), познат во минатото како театарот „Маилов“ [1]оперска куќа во Баку, Азербејџан. Изградена е во 1911 година.

Азербејџанска државна академска опера и балет
Адреса
Ул. Низами 95
Град
Земја Азербејџан
Архитект Николај Бајев
Изнајмен Азербејџански државен балет
Азербејџанска државна академска опера
Отворен 28 февруари 1911
Годишна активност 1911-денес
[http://tob.az tob.az]


Историја уреди

Театарот е изграден на барање на магнатот Даниел Маилов и е финансиран од магнатот Зејаналабдин Тагијев. Во 1910 година, славниот руски сопранист Антонина Неџданова при посета на Баку при што одржала повеќе концерти во различни клубови и места за изведба. На балот организиран по повод заминувањето на Неџданова во месното казино, била прашана дали би сакала повторно да го посети Баку. Нејзиниот одговор бил негативен, проследен со загриженост дека во град со толку многу богати луѓе никој нема да финансира изградба на пристоен оперски театар каде пејачите би можеле целосно да го покажат својот музички талент. Даниел Маилов, кој пораснал восхитувајќи се на гласот и личноста на Неџанова, за време на нејзиното патување, решил да ја искористил оваа можност и и рекол да го преиспита своето мислење за Баку, и за една година да присуствува на отворањето на новиот оперски театар, кој по негова наредба ќе го изгради во нејзина чест. Според една урбана легенда, Маилов и неговиот брат не биле поканети на балот во домаќинството на позната оперска пејачка од Баку чија нова куќа (денешното седиште на СОКАР ) била една од најистакнатите архитектонски дела во градот. Затоа, Маилови решија да подигнат зграда за прослави и собири за да ја надминат „неумесната“ пејачка.

Рускиот архитект и градежен инженер со ерменско [2] потекло Николај Бајев ја изработил архитектонската скица на театарот.[1] Сепак, изградбата на ваква грандиозна зграда за една година беше непознато во тоа време и се побарувало преземање на бројни безбедносни мерки. Маилови решиле да не чекаат одобрение од Градскиот совет, но им било наредено да запрат со изградбата бидејќи ги нарушиле прописите за градење. Набрзо Бајев успеал да го убеди градското законодавство и го добил одобрението за градба. Азербејџанскиот магнат Зејнхалабдин Тагијев, кој претходно ја спонзорираше изградбата на театарот Тагиев (денешен Азербејџански државен театар за музичка комедија ), изразил сомнеж дека новиот театар може да биде целосно изграден во толку краток временски период. Даниел Маилов предложил облог: ако Маилови не успеат да го изградат театарот навреме, тие ќе му го понудат на Тагијев како подарок, но доколку театарот е изграден до 1911 година, Тагијев требал да ги покрие сите градежни трошоци. .

Работејќи во три смени, 200 работници, обезбедиле брза изградба на зградата. Сите работи биле завршени за помалку од 10 месеци. Вкупните трошоци за изградбата надминале 250.000 рубљи.[1] Градоначалникот Петар Мартинов во придружба на архитекти и инженери го испитувал новоизградениот театар и ја потврдил неговата безбедност. Како што беше ветено, Тагијев ги исплатил сите трошоци. Официјалното отворање на театарот „Маилов“ било закажано на 28 февруари 1911 година. Даниел Маилов претходно ја извести Неџданова за церемонијата преку телеграма, а реномираниот сопран е првиот пејач кој настапил во новата оперска куќа. Поголемиот дел од мултиетничката елита на Баку присуствувала на настанот, но меѓу оние кои не беа присутни, беше оперскиот пејач кој не ги покани Маилови на неговиот бал.

Во 1916 година, театарот се надополнил со постојана организација (оперската група на Павел Амираго ) и започна да функционира на постојана основа. Во 1920 година, тој стана државен театар познат како Театар за опера и балет. Во 1925 година, Азербејџанската оперска трупа, Руската оперска група и драмската група се обединиле и стануваат официјалната постојана организација, а во 1927 година театарот го добива името на писателот Мирза Фатали Ахундов. Во 1959 година, куќата го стекнува статусот академски театар.

Во 1985 година, новообновениот театар мистериозно изгорува. Во 1987 година, сите реставраторски дела се завршени и театарот повторно ги отвори вратите.[1]

Пејачи кои се поврзани со оперската куќа се: Азербеј Зејнајлов, Џавид Самадов и Шовкат Мамадова.

Поврзано уреди

Наводи уреди

  1. 1,0 1,1 1,2 1,3 Opera in Azerbaijan by Azer Rezayev.Azerbaijan International.#5.4. Winter 1997
  2. Армянская культура в 1800-1917 гг., Вахе Эрканьян, 1985, p. 190

Надворешни врски уреди