Џемс Бонд (орнитолог)
Џејмс Бонд (4 јануари 1900 – 14 февруари 1989) бил еден од водечките американски орнитолози, експерт за птиците од Карибите. Неговото име било присвоено од страна на писателот Јан Флеминг за неговиот измислен британски шпион со истото име.
| Џемс Бонд | |
|---|---|
 Џемс Бонд во 1974 г. | |
| Роден(а) | 4 јануари 1900 Филаделфија, Пенсилванија, САД |
| Починал(а) | 14 февруари 1989 (возраст 89) Филаделфија, Пенсилванија, САД |
| Националност | Американец |
| Занимање | Орнитолог |
| Познат(а) по | Имењак на британскиот шпион од книгите на Јан Флеминг |
Животопис уреди
Бонд е роден на 4 јануари 1900 година во Филаделфија, Пенсилванија, како син на Маргарет Ривс (Тајсон) и Френсис Едвард Бонд. Неговиот интерес за историја на природата бил поттикнат од експедицијата што неговиот татко ја презел во 1911 година до делтата во Ориноко. Бонд прво се школувал во училиштето „Свети Павле“ во Конкорд, Њу Хемпшир, но по смртта на неговата мајка, тој се преселил со неговиот татко во Англија, во 1914 година. Таму тој учел во училиштето „Хароу“ и подоцна во Тринити колеџот во Кембриџ, кој го завршил во 1922 година, и каде бил единствениот Американец член на „Пит Клубот“.[1] По дипломирањето тој се преселил назад во САД и три години работел во банкарска фирма во Филаделфија. Поради интересот за природната историја се откажал од работата, и прифатил место во експедиција на Амазон која била организирана од страна на Академијата за природни науки од универзитетот Дрексел.[2] Потоа, тој работел како орнитолог во Академијата за природни науки во тој град, каде станал куратор на орнитологија.[3] Тој бил експерт за карипските птици и напишал книга на тема: „Птиците од Западна Индија“, првпат објавена во 1936 година.
Бонд ја добил наградата „Масгрејв“ на Институтот Јамајка во 1952 година;[3][4] медаљата „Брустер“ во 1954 година; и наградата „Лиди“ во 1975 година.[5] Починал во болница во Филаделфија на возраст од 89 години.[3]
Наводи уреди
- ↑ Contosta 1993.
- ↑ Parkes, Kenneth (1989). „In Memoriam: James Bond“ (PDF). The Auk. 106 (4): 718–720.
- ↑ 3,0 3,1 3,2 „James Bond, Ornithologist, 89; Fleming Adopted Name for 007“. The New York Times. Associated Press. February 17, 1989. стр. D19. Посетено на October 18, 2014.
- ↑ The Institute of Jamaica's web site
- ↑ „The Four Awards Bestowed by The Academy of Natural Sciences and Their Recipients“. Proceedings of the Academy of Natural Sciences of Philadelphia. The Academy of Natural Sciences of Philadelphia. 156 (1): 403–404. June 2007. doi:10.1635/0097-3157(2007)156[403:TFABBT]2.0.CO;2.
Користена литература уреди
- „James Bond, Ornithologist, 89; Fleming Adopted Name for 007“. The New York Times. Associated Press. February 17, 1989. стр. D19. Посетено на October 18, 2014.
- Bond, Mary Wickham (1966). How 007 Got His Name (illustrated, 2 black and white plates. изд.). London, UK: Collins.
- Contosta, David R. (1993). The Private Life of James Bond. Lititz, PA: Sutter House. ISBN 978-0-915010-38-7.
- Matros, Michael (2013). „Avian Adventurer of the Caribbean“. Alumni Horae. St. Paul's School. 93 (2). Архивирано од изворникот на 2015-06-26. Посетено на May 19, 2013.
Надворешни врски уреди
Џемс Бонд (орнитолог) на Ризницата ?
