Јулиус Олавус Миделтун (3 јули 1820 – 5 мај 1886 година) ― норвешки вајар и предавач. Најпознат е по неговите бисти и статуи.[1]

Портрет на Јулиус Миделтун од Сесили Дал. (1928)
Биста на Јохан Себастијан Велхавен од Јулиус Миделтун (1867).

Животопис уреди

Миделтун е роден во Конгсберг во Бускеруд, Норвешка, Сојузот помеѓу Шведска и Норвешка. Тој бил син на Георг Миделтун (1779-1831) и Марен Маргрете Јоргенсен (1785-1829). Неговиот татко бил вработен во Кралската норвешка ковачница во Конгсберг. Како млад, тој учел да биде златар пред да се пресели во Копенхаген да учи кај Херман Вилхелм Бисен. После неговите десет години таму следеле осум години во Рим (1851-1856), по што се вратил во Норвешка.[2][3]

Од 1869 година, па сè до неговата смрт во 1886 година, Миделтун предавал во Кралското училиште за цртање во Кристијанија (Тегнесколен и Кристијанија) кое сега е Норвешката национална академија за занаетчиска и уметничка индустрија во Осло. Меѓу неговите ученици биле Ерик Веренскиолд (1883), Луис Мо и Теодор Кителсен (1874), како и Едвард Мунк (1881) кој ја насликал познатата слика „Крик“.[4][5]

Избрани дела уреди

  • Биста на Хенрик Вергеланд, Универзитетска библиотека, Осло (1861)
  • Биста на Јохан Себастијан Велхавен, Универзитетска библиотека, Осло (1861)
  • Биста на Ото Тот Фрицнер, училиште во катедралата Трондхајм (1862)
  • Биста на Оле Џејкоб Брох, Национална галерија на Норвешка (1869)
  • Биста на Јакоб Ал, Национална галерија на Норвешка (1871)
  • Бронзена биста на Халфдан Кјерулф, Халфдан Кјерулфс плас, Осло (1874)
  • Статуа на Антон Мартин Швајгард, Универзитетскиот плоштад, Осло (1883)

Наводи уреди

  1. Laurin, Hannover, Thiis, Scandinavian Art", Benjamin Blom, New York, 1968 p. 619-622
  2. Ingvild Pharo, Glenny Alfsen, Oscar Thue. „Julius Middelthun“. Norsk kunstnerleksikon. Посетено на March 1, 2018.CS1-одржување: повеќе имиња: список на автори (link)
  3. „Julius Middelthun“. Nordisk familjebok. Посетено на March 1, 2018.
  4. Skard, Sigmund, ‘’Classical Tradition in Norway’’, Universitetsforlagt, Oslo, 1980 p. 138
  5. Glenny Alfsen. „Julius Middelthun“. Norsk biografisk leksikon. Посетено на March 1, 2018.