Јаничари одат, мамо
македонска народна песна
„Јаничари одат, мамо“ — македонска народна песна. Песната е посветена на некоја си мајка чиј што син и бил одземен од јаничарите. Песната има општествен карактер.
| „Јаничари одат, мамо“ | |
|---|---|
| Песна | |
| Јазик | македонски |
| Жанр | македонска народна музика |
| Должина | 6:50 (Кирил Манчевски) 7:05 (Пепи Бафтировски) 5:52 (Стефче Стојковски) |
Текст
уреди-Јаничари одат, мамо
од село во село,
голем зулум прават,
машки деца земаат мамо,
земаат, потурчуваат,
млади моми, грабаат мамо,
анами ги прават.
Зеле ми го, зеле мамо,
Стојана на мајка,
зеле и одвеле,
а Стојан ми беше, мамо,
единец на мајка.
А Стојан ми беше, мамо,
единец на мајка.
Плакала е многу време
Стојанова мајка,
сè за Стојана плачеше,
косите ѝ побелеле,
очите ѝ истекле.
Косите ѝ побелеле,
очите ѝ истекле.