Физичко ниво

Физичкото ниво (англиски: Physical layer) е прво ниво во компјутерски мрежи од OSI моделот со седум нивоа, односно прво ниво во TCP/IP моделот со пет нивоа. На ова ниво се извршуваат сервиси кои ги бараат протоколите од податочното ниво и се претвораат битовите од рамката во соодветен електричен, оптички или радио сигнал а потоа го предава сигналот, го контролира преносот и приемот. Физичкиот слој ги одредува електричните и физичките спецификации на уредите, односно, го дефинира односот помеѓу уредот и пренесувачкиот медиум како што е бакарен или оптички кабел. Ова вклучува и распоред на пиновите, напон, кабелските спецификации, репетитор, мрежни адаптери и др. За разлика од погорните слоеви, овој слој целосно се однесува на хардверот и е задолжен за 3 примарни функции:

OSI модел
7	Апликациско ниво
6	Презентациско ниво
5	Ниво на сесија
4	Транспортно ниво
3	Мрежно ниво
2	Ниво на податоци LLC подниво MAC пдониво
1	Физичко ниво

• Стандардизација на компонентите (адаптери, мрежен интерфејс, кабли и конектори);
• Начин на претставување на податоците (модулација и кодирање) и контролни стандарди;
• Сигнализација, синхронизација на сигналот, предавање, прием и пренос преку медиум.

Подслој за сигнализација

Кај локалните (LAN) и метрополитските (MAN) мрежи кои користат интерконекциска OSI архитектура, подслојот за сигнализација е дел од физичкиот слој којшто:

• Комуницира со подслојот за контрола на пристап до медиуми (MAC)кој е дел од податочното ниво;
• Врши кодирање на карактери, пренесување, примање и декодирање;
• Врши задолжителни изолациски функции

Список на сервиси

Главните функции кои ги извршува физичкото ниво се:

• Пренос бит-по-бит или сигнал-по-сигнал
• Обезбедува интерфејс за медиуми за физички пренос, вклучувајќи:

• Механичка спецификација на електрични конектори и кабли, на пример максимална должина на кабел
• Електрична спецификација на импеданца
• Радио интерфејс, вклучувајќи електромагнетен спектар на распределба на честота и спецификација на јачина на сигналот, аналоген пропусен опсег итн.
• Спецификација на инфрацрвени зраци преку оптички кабел или безжичен линк за комуникација со инфрацрвени зраци

• Модулација
• Линиско кодирање
• Синхронизација на битови кај синхрона комуникација
• Старт-стоп сигнализирање и контрола на проток кај асинхрона комуникација
• Преклопување на кола
• Мултиплексирање

• Воспоставување и прекинување на врски со преклопување на кола

• Откривање на колизија која настанува кај протоколите за пристап од второто ниво
• Forward - поправка на грешки

Физичкиот слој исто така е одговорен за:

• Стапка на битови
• Точка-со-точка, multipoint или point-to-multipoint поврзување
• Физичка мрежна топологија, на пример: прстен, ѕвезда, магистрала и др.
• Сериска или паралелна комуникација
• Simplex, half duplex и duplex начини за пренос

Список на протоколи

• телефонски модеми V.92
• IRDA физички слој
• USB физички слој
• EIA RS-232, EIA-422, EIA-423, RS-449, RS-485
• Етернет физички слој вклучувајќи ги 10BASE-T, 10BASE2, 10BASE5, 100BASE-TX, 100BASE-FX, 100BASE-T, 1000BASE-T, 1000BASE-SX и други верзии
• Повеќе верзии на 802.11 Wi-Fi физички слоеви
• ISDN
• T1 и други T-carrier врски, и E1 и други E-carrier врски
• SONET/SDH
• Optical Transport Network (OTN)
• GSM Um радио интерфејс физички слој
• Блутут физички слој
• ITU препораки: видете ITU-T
• Огнена жица (Firewire)
• TransferJet физички слој
• Etherloop
• ARINC 818 Avionics Digital Video Bus
• G.hn/G.9960 физички слој
• Controller Area Network (CAN) физички слој

Споредба со TCP/IP

TCP/IP моделот, дефиниран во RFC 1122 и RFC 1123, е напреден мрежен модел кој се користи за опис на Интернетот и слични мрежи. TCP/IP не дефинира еквивалентен слој кој се занимава исклучиво со хардверски спецификации и интерфејси бидејќи овој модел не се занимава директно со физичкиот интерфејс. Кај неколку RFC-и се споменува физички слој и слој на податочна врска, но тоа е во контекст на IEEE протоколи. Кај RFC 1122 и 1123 воопшто не се споменува физички слој и слој на податочна врска.

Поврзано

• Етернет физичко ниво