Повеќеиграчка игра

Повеќеиграчка игра, групна игра или мултиплеер игра (англиски: multiplayer video game) — видеоигра што може да се игра од повеќе од еден играч во исто време. За разлика од повеќето други игри, видеоигрите често се едноиграчки и го ставаат играчот против програмирани предизвици или противници со вештачка интелигенција, што може да биде нефлексибилно, недоволно предизвикувачки или неинтересно.

Повеќеиграчките игри им дозволуваат на играчите да уживаат односи со други личности, во вид на здружена игра, натпревар или борба, и им дава еден вид на општествена активност што речиси секогаш недостасува во самостојните игри. Играчите можат да се натпреваруваат еден против друг, да работат здружено за заедничка цел и слично. Меѓу попознатите типови на групна игра се детмеч и тимски детмеч, ММОРПГ, фати го знамето, здружен и сл.