Хорватово ѕвонче

Хорватово ѕвонче Edraianthus horvatii
Научна класификација
Царство:	Plantae
Оддел:	Tracheophyta
Класа:	Magnoliopsida
Ред:	Asterales
Семејство:	Campanulaceae
Род:	Edraianthus
Вид:	Edraianthus horvatii

Хорватово sвонче (Edraianthus horvatii) — локален ендемичен вид растение во Националниот парк Галичица.

Опис

Ризомот е долг, кос и во горниот дел покриен со остатоци од изумрени листови. Стебленцата издигнати, поретко исправени или полегнати.

Листови

На розетата 1-3 x 1–2 mm, од долната страна влакнести, а по работ трепчести и со заострен врв. Листовите на стеблото 1-2 x 1-2mm, одоздола влакнести и по работ трепчести.

Цветови

Брактеите округли, јајцевидни или јајцевидно-ланцетни, надворешните малку подолги, а внатрешните кратко заострени, 5-10 x 2–3 mm, од надворешната страна влакнести. Чашката 3–7 mm,влакнеста. Венчето сино или сино-виолетово, цилиндрично sвончевидно, 1-1,5 mm долго, слабо, влакнесто.

Плод

Најчесто двограден. Семенките јајцевидни, околу 1 x 0,6 mm.

Екологија

Екосистемите на планинските пасишта на карбонатни супстрати од редот Astragalo- Acanthometalia Horv. 60, поретко и во заедниците на пукнатини на варовнички карпи од сојузот Ramondion nathaliae Horv.

Распространетост

Алпскиот и субалпскиот појас на варовничките планински масиви во јужна Македонија, северна Грција и источна Албанија.

• Стара Галичица; во околината на „Казанот”, на варовнички карпи. 2080 m (leg. K. Micevski) (MKNH)
• Стара Галичица; во појас на високопланински пасишта, на варовнички камењари и карпи, 1800–290 m (leg. K. Micevski) (MKNH).