Bike-to-Work ден

Bike to Work ден (На работа на велосипед) — годишен настан кој се одржува во пролет, на различни денови насекаде во светот со цел промоција на велосипедот како превозно средство за тренспортирање до работа.

Мај е велосипедски месец секоја година, а Bike to Work недела е неделата во која се одржува Bike to Work денот кој варира од град до град.

Потекло

Bike to work денот потекнува од Лигата на Американските Велосипедисти во 1956 година и е дел од Bike to Work недела, која пак e дел од Националниот месец на велосипеди.

Активности

Провиденс, Род Ајленд градоначалникот Хорхе Елорза се обраќа на собирот по повод Bike to Work денот во мај 2015 година.

Пред Bike to Work денот, национални, регионални и локални групи за промовирање на велосипедизмот ги охрабрувале луѓето да го користат велосипедот како транспортно средство, како здрава и безбедна алтернатива на возењето автомобили, со тоа што обезбедувале информации за патиштата и совети за новите велосипедисти. Понатаму, Американската медицинска асоцијација го поддржа Bike to Work денот како дел од охрабрувањето за употреба на активен транспорт. Настанот е поддржан од многу организации, од локални продавници за велосипеди и ресторани до општини и јавни сообраќајни претпријатија. 

Регионалниот предизвик “Bike to work” (На работа на точак) е целосно непрофитен, спонтано договорен и афирмиран настан кој го поддржуваат организации од регионот: Srbija (Novosadska Biciklistička Inicijativa, UG Ulice za bicikliste, Niška saobraćajna unija, Vozi Ulice), Crna Gora (Biciklo.me), Makedonija (НаТочак), Slovenija (Ljubljanska kolesarska mreža), Hrvatska (Bike My Day), Bosna i Hercegovina (Centar za životnu sredinu / Center for Environment), Mađarska (Magyar Kerékpárosklub)

Во Македонија во два наврата беше организиран Bike to Work денот, од 22 септември до 1 октомври 2014 под паролата „На работа, на точак (Скопје)“ и на петок, 13 февруари 2015 под паролата „Зимски Bike to Work ден“ во организација на НаТочак. За промоција и следење на активностите се користи хаштагот #НаРаботаНаТочак на друштвените медиуми.