7Q5

7Q5 е мало парче папирус пронајден во пештерата 7 кај Кумран. Дел е од Свитоците од Мртвото Море, напишан на грчки јазик. Датиран е според стилот на пишување дека потекнува од периодот меѓу 50 г. п.н.е. и 50 г. од нашата ера. Шпанскиот научник Хосе О'Калањан Мартинес во 1972 година напишал дека ова парче папирус содржи текст од Евангелие по Марко, дел 6 стих 52-53. Но, поголемиот дел од научниците не се согласуваат со ова тврдење па денес е отфрелно.

Делот број 5 најден во пештерата 7 кај Кумран

Идентификација

Во текстот од Евангелие по Марко на грчки јазик што О'Калањан го идентификувал како дел од 7Q5, црвените букви ги претставуваат деловите кои се читаат на папирусот.:

ου γαρ συνηκαν επι τοις αρτοις, αλλ ην αυτων η καρδια πεπωρω- μενη. και διαπερασαντες [επι την γην] ηλθον εις γεννησαρετ και προσωρμισθησαν. και εξελ- θοντων αυτων εκ του πλοιου ευθυς επιγνοντες αυτον.

Доколку 7Q5 е навистина Евангелие по Марко, тоа значи дека ова е најраниот пронајден текст со делови од Новиот завет. Бидејќи датирањето на папирусот е меѓу 50 г. п.н.е. и 50 г. од нашата ера, доколку навистина е дел од Евангелие по Марко, значи дека некој го пишувал ова евангелие кој бил поблиску временск идо вистинскиот Исус. Сепак, науката смета дека евангелијата се напишани во 2 век од нашата ера.