Човекови права во Македонија

Македонија ги има ратификувано речиси сите главни договори за човекови права на меѓународно и на европско ниво.

Уставните и законските права на граѓаните кога им се повредени од органите на државната управа и од други органи и организации што имаат јавни овластувања ги штити народниот правобранител.

Македонија е потписник на Европската конвенција за човекови права.

Од друга страна и Уставот ги гарантира следниве права:

еднаквост на граѓаните
право на живот
неприкосновеност на физичкиот и моралниот интегритет
право на слобода
презумпција на невиност
нема казна без закон и право да не се биде осуден или казнет двапати
право на жалба
слобода на уверување, говор и пристап до информации
тајност на писмата и на сите други облици на општење
сигурност и тајност на личните податоци
слобода на вероисповед
слобода на здружување
право на собирање
избирачко право
право на вршење јавни функции
право на поднесување претставки
почитување и заштита на приватноста, личниот и семејниот живот, достоинството и угледот
право на неповредливост на домот
слобода на движење
право и должност за одбрана на РМ
права на странските државјани во РМ
право на сопственост и право на наследување
право на работа и слободен избор на вработување
обврска за плаќање на даноци и други јавни давачки
право на социјална заштита
право на синдикално здружување
право на штрајк
право на здравствена заштита
заштита на семејството
слобода за создавање потомство
заштита на мајките и децата
право на живот во здрава животна средина
право на образование
право на слободно научно и уметничко творештво
право на слободно изразување на национална припадност