Хеминформатика

Хеминформатиката, позната и како хемоинформатика или хемиска информатика (англиски термини chemoinformatics, cheminformatics, chemical informatics и chemiinformatics) по дефиниција претставува употреба на компјутерски и информатички техники за решавање на голем број на проблеми на полето на хемијата. Ваквите in slilico техники во голема мерка се користат во фармацевтските фирми во раните фази од процесот на дизајна на нови лекови. Овие методи може во голема мерка да се користат и во другите области на хемијата за решавање на хемиски проблеми од различен карактер.

Историја

Терминот хеминформатика е дефиниран од страна на F.K. Brown во 1998 година на следниот начин:

Хеминформатиката претставува употреба на изворите на информации за трансформација на податоците во информации и на информациите во знаење со намера побрзо да се добијат повеќе информации за изнаоѓање на супстанци кои би можело да се користат во при развојот на нови лекови.

Основи

Хеминформатиката во себе ги комбинира сознанијата и алатките кои се користат во хемијата и информатиката. На пример во теоријата на хемиски графови и пребарување низ хемискиот простор (се претпоставува дека хемискиот простор содржи најмалку 10⁶⁰ молекули). Дел од алгоритмите кои се користат во хеминформатиката исто така се користат и во хемометријата.

Примена

Складирање и пребарување на хемиски структури

Една од првите примени на хеминформатиката е во изнаоѓањето на постапки за складирање и пребарување на структури на хемиските супстанци. Делотворно пребарување низ структурни информации за молекулите во себе вклучува користење на информатички алатки (за пребарување низ податоци и машинско учење), како и познавања од областа на теоријата на графови (или поточно на хемиската теорија на графови). Истражувањата поврзани со претходното вклучуваат работа со:

• Неструктуирани податоци
• Пребарување на структуирани податоци
  • Пребарувања низ бази на податоци
  • Пребарувања низ хемиски графови
  • Пребарувања низ молекули и др.

Формати на податотеки за складирање на хемиски структури

За in silico претставување на хемиските структури се користат специјализирани формати (пр XML, SDF, SMILES и др.). Ваквите формати за претставување на хемиски структури се користат за складирање на структурите во хемиски бази на податоци. Некои типови на формати се погодни за виртуелно претставување на дводимензионален и тридимензионални структури, додека пак, други формати се попогодни за изучување на физичките својства, за моделирање или, пак, за изучување на белковина-лиганд интеракциите.

Квантитативна структура-активност релации (КСАР)

КСАР моделите (како што уште се нарекуваат квантитативни структура–својства релации - КССР) служат за предвидување активноста на некоја супстанца (или на некое нејзино својство) врз основа на нејзината структура. Во овој КСАР моделите се тесно поврзани со хемометријата.

Слични содржини

• Хемометрија
• Квантна хемија
• Анализа на податоци
• Белковина-лиганд интеракции
• Математичка хемија
• Молекулско моделирање
• Статистика
• Квантитативна структура-својства релации

Надворешни врски

• The Free On-line Cheminformatics Service
• The Blue Obelisk Movement
• The eCheminfo Network and Community of Practice
• Cheminformatics at Indiana University Архивирано на 7 февруари 2012 г.
• The Chemical Structure Association Trust (see also CSA Trust).
• Comprehensive cheminformatics link list and data set repository
• A cheminformatics glossary
• Chemoinf.com Chemoinformatics Hub Архивирано на 20 јануари 2021 г.
• Chemoinformatics initiatives at NCL Pune, India Архивирано на 24 август 2009 г.
• International Conference on Chemoinformatics at NCL,Pune Архивирано на 8 јануари 2013 г.
• Chemical Informatics Education Архивирано на 15 ноември 2007 г. and Research Архивирано на 22 октомври 2010 г. at Indiana University
• Famous Cheminformatics quotations Архивирано на 14 јуни 2006 г.
• The Cheminformatics and QSAR Society
• UK-QSAR and ChemoInformatics Group
• Education and Research at the University of Hamburg Архивирано на 30 април 2009 г.
• Cheminformatics research at the Unilever Centre for Molecular Informatics, Cambridge, UK Архивирано на 21 февруари 2010 г.
• YACHS Yet Another CHemistry Summarizer, Laboratoire Informatique d'Avignon LIA, France Архивирано на 16 март 2011 г.
• Cheminformatics research at NovaMechanics Cyprus