Стефан Алабаков
Стефан Алабаков, познат како Стефан Хоџата, — македонски револуционер, учесник во македонското револуционерно движење, војвода и деец на Македонската револуционерна организација и Внатрешна македонска револуционерна организација.[1]
| Стефан Алабаков | ||
| Роден | 1876 Струга, Македонија | |
|---|---|---|
| Починал | ? ? | |
Животопис
уредиАлабаков е роден во 1876 година во градот Струга. Влегува во Македонската револуционерна организација и станува организатор на селските комитети на организацијата во Струшко. Извесно време бил комита во четите на војводите Георги Сугарев и Петар Чаулев. При избувнувањето на Балканската војна во 1912 година, од страна на Организацијата бил назначен за војвода во Кичевско. По Втората балканска војна војна, во 1913 година, учествувал во Охридско-Дебарското востание против новите српски власти, а во 1915 година и во Валандовската акција.[1] По Првата светска војна во 1925 година, назначен е за раководител на струшката околија на ВМРО,[2] и за војвода на чета во Струшко.[1] со чета од 20 души.[3] Во пролетта 1925 година преминува во Вардарска Македонија заедно со Силко Цветков, Александар Протоѓеров и Мишо Шкартов, но не успеваат да преминат реката Вардар и се враќаат во Бугарија [4].
Наводи
уреди- ↑ 1,0 1,1 1,2 Енциклопедија ВМРО, Скопје, 2015, стр. 2
- ↑ Николов, Борис Й. Вътрешна македоно-одринска революционна организация. Войводи и ръководители (1893-1934). Биографично-библиографски справочник, София, 2001, стр. 5.
- ↑ Македония История и политическа съдба, Том II, 1912 - 1941 г.“, Колектив, Издателство „Знание“ ООД, София, 1998 г., стр. 169
- ↑ Спомени на Георги Попхристов