Спротивниот брег
Спротивниот брег (француски: Le Rivage des Syrtes) — роман од францускиот писател Жилјен Грак објавен во 1951. Ова бил неговиот трет и најпознат роман. Дејството се одвива на границата од две измислени средоземни земји, Орсена и Фаргестан, кои 300 години биле во војна. Државата Орсена симболизира историја, традиција, и ред, додека Фаргестан е симбол за неразумност. Самиот автор го опишал делото како „свесен сон“, а според критиката припаѓа на правецот надреализам.[1]
 | |
| Автор | Жилјен Грак |
|---|---|
| Изворен наслов | Le Rivage des Syrtes |
| Земја | Франција |
| Јазик | француски |
| Жанр | роман |
Издадена | 1951 |
Главниот лик Алдо бил пратен како набљудувач во напуштен замок во Орсена, но иако двете земји се во војна, со децении немало никаква борба. Иако свесен дека би можел да предизвика обновување на конфликтот, Алдо одлучил да ја премине границата, сметајќи дека можното уништување е подобар избор од бавното пропаѓање. Делото било наградено со „наградата Гонкур“, но Грак одбил да ја прими наградата како чин на негодување против комерцијализацијата на пишаниот збор.[2] Книгата наишла на позитивен прием од стручната јавност, а добила добра рецензија во весникот Њујорк Тајмс.[3]
Наводи уреди
- ↑ Taylor, Karen L. (2006). The Facts on File Companion to the French Novel. New York City: Infobase Publishing. стр. 297. ISBN 9780816074990.
- ↑ Kirkup, James (2007-12-24). „Julien Gracq: Distinguished novelist known for his surrealism and solitude who refused all literary honours“. The Independent. Посетено на 2013-06-26.
- ↑ Cardonne-Arlyck, Elisabeth (1986-06-22). „The Beckoning Ghost“. The New York Times. Посетено на 2015-11-27.
Надворешни врски уреди
- Спротивниот брег Архивирано на 31 декември 2016 г. на мрежното место на францускиот издавач (француски)