Кат

Кат^[1], спрат^[2] или етаж^[3] – просторот меѓу подот и таванот во една градба. Во европските земји приземјето не се смета за кат, додека во Америка и Русија истото се брои како кат.

Градби според бројот на катови

Според бројот на надземните катови се зборува за еднокатници, двокатници, трикатници, повеќекатници и висококатници. Последните се нарекуваат и облакодери и може да имаат и повеќе од 100 ката.

Висина на катовите

Висината на катовите соодветствува на видот на градбата:

2,66 метри, односно 16 скалила за современи станови, хотели или паркинзи;
3 метра, или 18 скалила за стари градби за живеење;
3,30 метри, или 20 скалила за деловни градби или болници (простор резервиран за кабли и климатизација);
4 метра, или 24 скалила за продавници со големи површини, изложбени салони и сл. (во овој случај често се користат ескалатори);
1,90 метри, или 10 скалила за воз или автобус на две нивоа.

Висината може да биде многу поголема за одредени посебни градби (цркви, катедрали, кули).

Наводи

[1] „кат“ — Дигитален речник на македонскиот јазик

[2] „спрат“ — Дигитален речник на македонскиот јазик

[3] „етаж“ — Дигитален речник на македонскиот јазик

[1]

[2]

[3]