Џозеф Кембел е роден и израснат во [[Вајт Плејнс]], [[Њујорк Сити]], [[Њујорк]]<ref>[http://www.jcf.org/about_jc.php Веб-странастраница на Фондацијата Џозеф Кембел.]</ref> во богато семејство со [[католицизам|римокатоличка вероисповест]]. Како дете Кембел се воодушевува од [[култура]]та на [[индијанци|американските староседелци]] откако заедно со својот татко го посетува ''Американскиот музеј за национална историја'' во [[Њујорк]] и ги здогледува артефактите со индијанско потекло. Наскоро почнува да истражува разни аспекти од нивниот живот и особено станува заинтересиран за [[северноамериканска митологија|северноамериканската митологија]]. Ова придонесува кај младиот Кембел да се развие неговата животна опсесија: интересот за [[митологија|митот]] и заедничките обележја на различните култури, особено на оние кои никогаш и не биле во контакт. Додека учи на колеџот ''Дартмут'' се запишува на [[биологија]] и [[математика]], но со време сфаќа дека повеќе ги сака општествените науки. Се префрла на ''Универзитетот Колумбија'' каде се здобива со диплома по [[англиска книжевност]] во [[1925]] година; со титула магистер се здобива по две години по [[средновековна книжевност|средновековна книжевност]]. Кембел се истакнува и како одличен спортист - се закитува со неколку [[атлетика|атлетски]] медали во текот на неговите студии.
