Смртта на Милош Црњански

„Смртта на Милош Црњански“ (српски: Смрт Милоша Црњанског) — расказ на српскиот писател Милорад Павиќ. Првобитно, расказот бил објавен во 1986 година, како дел од збирката „Руски 'рт и други раскази“.

Содржина

Едно утро, писателот Милош Црњански се сетил на една приказна поврзана со распнувањето на Исус Христос. Потоа излегол надвор и седнал да руча во една гостилница. Притоа, тој размислувал за односот меѓу книжевноста и животот. Најпосле, тој го платил ручекот, иако воопшто не го пробал, и си отишол дома, а потоа престанал да јаде и да пие и така умрел.