Ролс-Ројс Силвер Клауд

(Пренасочено од Ролс-Ројс Сребрен Облак)

Ролс-Ројс Силвер Клауд (англ. Rolls-Royce Silver Cloud) бил главниот автомобил на Ролс-Ројс кој се произведувал од април 1955 до март 1966. Го заменил претходниот модел Сребрена Зора, а пак самиот, бил заменет со Сребрена Сенка.

Ролс-Ројс Силвер Клауд
Rolls-Royce Silver Cloud
1959 Rolls Royce Silver Cloud
ПроизводителРолс-Ројс
Период1955–1966
произведени 7,372
ПретходникСребрена Зора
НаследникСребрена Сенка
Мотор4.9 L I6
6.2 L V8

Овој дизајн била голема промена од предвоените модели и високодериватниот модел Сребрена Зора. Главен дизајнер бил Џ. П. Блечли.

Шасијата по поден план била едноставна челична кутија, заварена и многу цврста и крута. По конструкција шасијата и алуминиумската каросерија се сѐ уште посебни (едноделната шасија за првпат се појавила кај моделот Сребрена Сенка). Автомобилот бил долг 5.38 m, широк 1.90 m, и тежок 1.95 тони. Моторот бил шестцилиндричен со капацитет од 4.9 L, а преносот бил четворобрзински автоматски. Кочниците биле серво со хидраулични барабани, а амортизацијата била на независни спирални пружини напред и полуелептични пружини назад.

Во 1959 излегол моделот Силвер Клауд II. Надворешноста не се сменила особено, но затоа моторот бил со зафатнина од 6.2 L V8, што ја зголемило тежината на возилото на 2.11 тони. Возилото било со мошне подобрени перформанси, со максимална брзина од 183 км/ч, но главните подобрувања биле во забрзувањето и влечата. Во 1963 се појавил и Силвер Клауд III. Надворешноста му била малку намалена, внатрешноста преуредена, а тежината намалена за околу 100, додека моторот му бил малку засилен. Фаровите сега биле четири, во поинаков распоред, мошне сличен на подоцнежниот модел Сребрена Сенка, модел кој фирмата го разработувала уште од доцните 1950-ти. Така, официјалните документи на Ролс-Ројс велат дека новиот распоред на фаровите бил поставен за да се подготви јавноста за радикално-новиот модел Сенка.

Производство уреди

  • Сребрена Сенка: 2,238
  • Сребрена Сенка продолжени: 85
  • Сребрена Сенка со посебни каросериски стилови (кабриолет, катафалк и др. ): 121
  • Сребрена Сенка II: 2,417
  • Сребрена Сенка II продолжени: 258
  • Сребрена Сенка II со каросериски стилови (кабриолет, катафалк и др.): 107
  • Сребрена Сенка III: 2,044
  • Сребрена Сенка III продолжени: 206
  • Сребрена Сенка III со каросериски стилови (кабриолет, катафалк и др.): 328

Медија уреди

Надворешни врски уреди