Римски приказни

„Римски приказни“ (италијански: Racconti Romani) — збирка раскази на италијанскиот писател Алберто Моравија од 1954 година.

Содржина

Збирката ги содржи следниве раскази:

• Не истражувај
• Двојник
• Комедијант
• Возач на камион
• Мислител
• Акрепи
• Совршено злостроство
• На сила силеџија
• Пропаст на човештвото
• Пријатели без пари
• Бу, бу, бу
• Несреќен човек
• Тарзановата одмазда
• Ромоло и Ремо
• Болничарка
• Богатство

За збирката

Збирката „Римски приказни“ се темели врз два елементи: прецизната слика на објективниот свет се соединува со егзистенцијалните и моралните проблеми на целата епоха. Затоа, неговите раскази се длабоко „римски“ и истовремено не се само „римски“. Од сведочењето за посебното тие преминуваат во сведоштво за општото, т.е. низ моралните, сентименталните и општествените проблеми на поединецот тие зборуваат за духовната пустош на една цела цивилизација, која е во знакот на конвенциите, формалностите и конструкциите. Неговиот стил е одраз на пластичноста на фантазијата, но и интимен јазик на мудроста и на зрелоста на интелектот. Ликовите во книгата се луѓе од крв и од месо, но и симболи, т.е. претставници на одделни делови од неговиот систем на идеи.