Паметна картичка
Паметна картичка, чип-картичка или картичка со интегрално коло е картичка со џебна големина во која е вградено интегрирано коло кое може да обработува информации. Тоа значи може да прима, обработува и праќа податоци. Постојат и бесконтактни паметни картички што работат на радиобранови. Овие картички не се ставаат физички во уредот, туку корисникот само ги доближува со него.
Постојат два главни вида на паметни картички:
- Памтилни картички - во себе содржат памтечки компоненти и можеби некој одреден безбедносен механизам.
- Микрообработувачките картички - покрај памтилни, содржат и микрообработувачки делови.
Картичката е направена од пластика, најчесто од ПВЦ, но понекогаш и од АБС-пластика. Во картичката може да биде втиснат холограм со цел да се намалат можностите за фалсификување.
Стандарди
уреди- ISO/IEC 7810:2003[1] ги определува физичките одлики на картичките
- ISO/IEC 7813 ги определува дополнителните физички одлики на банковните картички
- ISO/IEC 7811 го определува начинот на снимање на податоци на магнетните картички
- ISO/IEC 7816 ги определува електричните контакти на чип-картичката