Палестина (Перу)

Палестина е село во областа и покраината Пурус во регионот Укајали во Перу, основан во 1994.

Слика од реката Тамбопата во џунглата на Амазон во Перу

Историја и обичаи

Пред 1994 година, Палестина била неколку полиња каде што се чувале говеда и месното население одгледувало насади. Во 1994 година началникот на покраината Пурус дошол во областа и свикал состанок. Тој изјавил дека тука ќе основа село и дека ќе ги изгради домовите за луѓето што живеат во нивните ниви.

Покрај одгледување добиток, во Палестина се одгледува ориз, пченка и овошје: ананас, банана, кокосов орев, лимон, портокал, праска, маракуја и мандарина.

Локални празници

Покрај национални празници во селото се празнуваат локални годишници од основањето на местото и црквата, како и празници на жетва: садење лубеници, садење на кајва, жетва на лубеници и жетва на оризот.

Документарец

Палестина е прикажана во документарниот филм под наслов „Мрежа“ (анг. Web), снимен во соработка со Фондацијата Викимедија .. Основачот на Википедија Џими Велс се појавува во филмот, во кој е опишано влијанието на проектот „Еден лаптоп за секое дете“ (анг. One Laptop Per Child - OLPC) во Палестина, меѓу другото ги покажува децата во училиштето како ја пишуваат првата верзија на написот на Википедија за нивното село на шпански јазик. Краток сегмент од овој документарец е достапен на Јутјуб.