Велушки манастир
Велушки манастир — манастир во близина на битолското село Велушина.[1] Комплексот е сместен во самото истоимено село, на падините на Баба Планина.
 Воздушен поглед на манастирот | |
| Информации | |
|---|---|
| Целосно име | Манастир „Св. Ѓорѓи“ - Велушина |
| Манастир на: | МПЦ - ОА |
| Основан | 1839 |
| Посветен на | Свети Ѓорѓи |
| Епархија | Преспанско-пелагониска |
| Цркви | „Св. Ѓорѓи“ „Покров на Пресвета Богородица“ |
| Личности | |
| Место | |
| Место | село Велушина, Општина Битола,  Македонија |
| Координати | 40°55′40″N 21°20′24″E / 40.92778° СГШ; 21.34000° ИГД |
| Видливи остатоци | 2 цркви, камбанарија, конаци, помошни објекти |
| Отворен за јавноста | да |
| Други информации | (Бистричка парохија) |
Местоположба
уреди
Манастирот се наоѓа над селото, на десната страна од Велушка Река.[2] Од селото е оддалечен неполни 2 километри во западна насока, сместен на едно возвишување од каде се гледа целиот јужен дел од Пелагониската Котлина.
До манастирот води тесен асфалтен пат, кој започнува од сретселото на Барешани. Во комплексот се влегува низ големата манастирска порта, вклопена во приземниот дел на конакот, изграден јужно од црквата.[3]
Историја
уредиМанастирот бил подигнат во XIX век,[2] поточно во 1839 година.[3]
Манастирот бил разрушен за време на Првата светска војна, а по завршувањето на војната бил обновен.[2]
Манастирот бил тешко погоден во земјотресите во јануари 2022 година, при што се забележани изронети фрески во манастирската црква, распукани тавани, ѕидови и подови, а се срушиле и делови од конаците. Исто така, се распукала и камбанаријата и повеќе не била во функција.[4]
Градби во манастирот
уредиМанастирот е составен од трикорабната црква „Св. Ѓорѓи“, малата црква „Покров на Пресвета Богородица“, камбанарија, помошни објекти и конаци.[2]
Манастирската камбанарија се наоѓа во близина на влезната порта на манастирот, односно во неговиот југоисточен дел. Во западниот дел се наоѓаат обновените манастирски конаци, кујната, трпезаријата, како и собите наменети за престој на верниците.[5]
Црква „Св. Ѓорѓи“
уредиЦрквата била подигната во 1839 година и претставува главна манастирска црква посветена на Свети Ѓорѓи.
Црква „Покров на Пресвета Богородица“
уредиВо рамки на конаците на манастирот се наоѓа мала црквичка посветена на Покров на Пресвета Богородица.
Галерија
уреди-
Помошен објект -
Конакот -
Конакот во 2014 г. -
Манастирскиот двор -
Крстот -
Нов конак во изградба -
Влезната порта -
Воздушен поглед -
Конакот -
Горниот кат на конакот -
Влезот -
Ниша над влезот
Наводи
уреди- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ 2,0 2,1 2,2 2,3 Трифуноски, Јован (1998). Bitoljsko-Prilepska kotlina : antropogeografska proučavanja. Белград: Српска академија на науките и уметностите. стр. 209-210. ISBN 8670252678. OCLC 41961345.
- ↑ 3,0 3,1 Палигора, Ристо (декември 2011). Студија за поврзување и промоција на манстирскиот туризам на Баба Планина (PDF). Битола: Центар за развој на Пелагонискиот плански регион. стр. 30. Архивирано од изворникот (PDF) на 2013-12-28. Посетено на 2021-08-13.
- ↑ „ЗЕМЈОТРЕСИТЕ НАПРАВИЈА ГОЛЕМИ ОШТЕТУВАЊА ВО МАНАСТИРОТ „СВ ЃОРГИ ВО СЕЛОТО ВЕЛУШИНА“. Сакам Да Кажам. 2022-01-11. Посетено на 2022-01-12.
- ↑ Admin (2018-02-27). „Манастир Св. Меркурие село Барешани | Битола инфо“. Bitola Info. Посетено на 2019-02-26.
Надворешни врски
уреди
Велушки манастир на Ризницата ?
