Кула на Бог
Кула на Бог (корејски: 신의 탑, англиски: Tower of God) — јужнокорејска манхва напишана и илустрирана од Ли Џонг Хуи (псевдоним S.I.U, Slave In Utero[1]), цифрено објавена од Naver Corporation од 5 јули 2010 г. Службено била објавена на англиски јазик на 30 јуни 2014 г. на платформата Line Webtoon.[2] Делото е преведено на 28 јазици во светот.[3]
На 1 април 2020 г., била објавена истоимената анимирана серија (аниме) од Telecom Animation Film, првпат прикажана на јужнокорејскиот семрежен портал Naver.[4][5] Втората сезона ќе има премиера во јули 2024 г. од The Answer Studio.
Содржина
уредиПриказната се врти околу момче по име Дваесет и Петтиот Бам, кој го поминал поголемиот дел од својот живот заробен во пештера под таинствена и гигантска кула. Бам нема сеќавања за своето минато или светот надвор од кулата, а негова единствена придружничка е девојката по име Рахила, за која длабоко се грижи. Рахила сака да ги види ѕвездите надвор од кулата и го остава Бам зад себе за сама да ја искачи кулата. Решен да ја пронајде Рахила, Бам решава самиот да влезе во кулата, и покрај опасноста и предизвиците што претстојат.
Внатре во кулата, Бам наидува на разни други поединци, секој со свои причини за искачување. По патот, тој се спријателува со неколку ликови, вклучувајќи ја моќната и загадочна принцеза Јури Захард, и основа екипа што ќе му помогне да се движи низ испитувањата на кулата. Кулата е поделена на катови, секој со свои исклучителни предизвици и испитувања. За да напредува, дружината мора да ги помине овие испитувања и да ги надмине страшните противници. Како што напредува Бам, тој дознава повеќе за тајните на кулата и сложената хиерархија на жителите на кулата.
Во текот на неговото патешествие, Бам почнува да ја открива сопствената самоличност и цел. Открива и скриени сили во себе и се соочува со бројни противници, вклучувајќи моќни суштества познати како Испитувачи (англ. Rankers), кои се искачиле до 134. кат и добиле ранг.
Наводи
уреди- ↑ „S.I.U.“. wattpad.com (англиски). Посетено на 2023-10-08.
- ↑ Eddie Jiang. „A Review of the Webcomic Series 'Tower of God'“. thesciencesurvey.com (англиски). Архивирано од изворникот 2023-10-10. Посетено на 2023-10-08.
- ↑ Crystalyn Hodgkins. „SIU's Tower of God Manhwa Gets Animated Adaptation“. animenewsnetwork.com (англиски). Архивирано од изворникот 2023-10-10. Посетено на 2023-10-08.
- ↑ „Cast and Staff“. tog-anime.com. Архивирано од изворникот на 2020-03-02. Посетено на 2023-10-08.
- ↑ Drey McGrew. „'Tower of God' an anime review“. southblueprint.com (англиски). Архивирано од изворникот 2023-10-10. Посетено на 2023-10-08.
Надворешни врски
уреди| „Кула на Бог“ на Ризницата ? |
- Кула на Бог на Naver Webtoon (корејски)
- Кула на Бог на
Семрежната филмска база на податоци (англиски)
