Википедија

Коста Бајиќ

Коста Бајиќ (роден на 7 септември 1989 година во Нови Сад) е српски фудбалски напаѓач кој моментално игра за тимот на Братство од Грачаница во Првата лига на Федерацијата на Босна и Херцеговина.

Клупска кариера уреди

Почетна кариера уреди

Коста Бајиќ поминал низ сите возрасни категории на клубот Војводина. Подоцна играл во повеќе клубови од понизок ранг каде бил многу ефикасен. Во летото 2013 година потпишал за екипата на Јагодина заедно со фудбалерот Александар Пешиќ.[1] Првиот натпревар за тимот на Јагодина му бил на последниот натпревар од есенската полусезона во Јелен Суперлига (Српска Суперлига) против екипата на Раднички од Крагуевац. Тренерот му дал шанса да влезе во игра во последните минути од натпреварот.[2]

Бешелиѓа Лежа уреди

Во јануари 2015 година, Бајиќ заминал да игра во Албанија, потпишувајќи договор до крајот на сезоната со албанскиот прволигаш Бешелиѓа Лежа.[3] Тој бил поставен во тимот да игра со бројот 9. Својот прв натпревар за овој клуб го имал на 7 февруари во натпреварот без голови против клубот на Трбуни Пуке.[4] Вкупно 292 минути бил без постигнат гол. Во четвртиот натпревар на 4 март го постигнал својот прв гол против екипата на Илирија Фуша-Круја. На овој натпревар неговата екипа победила со резултат од 2:0.[5]

Тој натпревар бил само иницијален за постигнување на повеќе голови. Наредните голови на Баиќ биле против тимовите на Беса Каваја,[6] Камза[7] и Илирија Фуша-Круја.[8] На 2 мај, Бајиќ го постигнал најбрзиот гол во историјата на албанската прва лига наоѓајќи го патот до мрежата по само 36 секунди од натпреварот. Со овој гол Бајиќ му овозможил на својот тим да забележи победа со резултат од 1:0 над тимот на Адријатику Мамурас во 25то коло. [9]

Во претпоследната недела од сезоната, Бајиќ постигнал гол во победата од 5:0 на домашен терен против екипата на Велечику Коплик[10] и го завршил вториот дел од сезоната со 7 гола од 13 настапи. Тимот завршил на второто место во групата А, не успевајќи да обезбеди место во најсилната Албанска Суперлига следната сезона.[11]

По крајот на сезоната, Бајиќ се согласил да го продолжи договорот, потпишувајќи до јуни 2016 година.[12] Тој ја започнал својата втора сезона со клубот, постигнувајќи хет-трик на третиот натпревар против клубот на Беса Каваја за победа од 4:0 на домашен терен, помагајќи му на својот тим да го преземе првото место во лигата.[13] Тој уживал во плодната игра и форма во првите месеци од новата сезона постигнувајќи го победничкиот гол против екипата на Кастриоти Круја за победа од 2:1 во реваншот од првото коло од Купот на Албанија 2015-16. Неговиот тим сепак бил елиминиран според правилото постигнат гол на гостински терен, а на првиот натпревар неговиот тим загубил со резултат од 1:0.[14] Во лигата, Бајиќ постигнал уште два гола во победата од 4:0 против клубот на Адријатику Мамурас, зголемувајќи го бројот на голови на вкупно 5.[15]

Тој ја започнал 2016 година во голем стил, постигнувајќи хет-трик во победата од 4:0 на домашен терен против клубот на Казма.[16] Во март, Бајиќ постигнал два гола во победите од 4:0 против клубот на Ада Велипоје.[17] [18] Во претпоследната недела од сезоната, Бајиќ испишал историја постигнувајќи ги сите шест гола на својот тим во поразот на домашен терен со 6:7 од клубот на Адријатику Мамурас. Со тие 6 гола Бајиќ стигнал до бројот од 23 погодоци во таа сезона.[19] Со 23 првенствени голови, Бајиќ ја освоил Златната копачка како најдобар стрелец во лигата, постигнувајќи еден повеќе од Ермир Рези од тимот на Ерзени Шијак.[20] Бешелиѓа Лежа уште еднаш не успеала да обезбеди место во албанската Суперлига за следната сезона. [20]

Бајиќ ја започнал својата трета сезона во Бешелиѓа Лежа на 24 септември 2016 година играјќи цели 90 минути во победата од 0:1 на гостински терен кај тимот на Беса Каваја.[21] Тој играл во двомечот против тимот на Ерзени, од Купот на Албанија, постигнувајќи гол во реваншот за да ѝ помогне на Бешелиѓа да напредува во следната рунда со вкупен резултат од 5:3.[22] Бајиќ својот прв гол во таа сезона го постигнал на 12 октомври во победата од 2:3 против тимот на Ерзени, постигнувајќи го третиот гол на натпреварот.[23] Десет дена подоцна, Бајиќ повторно постигнал гол во последните моменти од натпреварот против тимот на Кастриоти Крује, со што неговиот тим го заземал второто место на табелата.[24]

Статистика во кариерата уреди

Обновено на 22 Октомври 2016[25][26][27]
Клуб Сезона Лигашки натпревари Куп натпревари Континентални натпревари Останати Вкупно
Лига Натпревари Голови Натпревари Голови Натпревари Голови Натпревари Голови Натпревари Голови
Јединство Путеви 2012–13 Српска прва лига 15 2 0 0 - - 15 2
2013–14 2 0 0 0 - - 2 0
Вкупно 17 2 0 0 - - 17 2
Јагодина 2013–14 Српска Суперлига 1 0 0 0 - - 1 0
Вкупно 1 0 0 0 - - 1 0
Рудар 2013–14 Црногорска прва лига 8 3 0 0 - - 8 3
Вкупно 8 3 0 0 - - 8 3
Бешелиѓа Лежа 2014–15 Албанска прва дивизија 13 7 0 0 - - 13 7
2015–16 23 23 2 1 - - 25 24
2015–16 4 2 2 1 - - 6 3
Вкупно 40 32 4 2 - - 44 34
Вкупно во кариера 66 37 4 2 0 0 0 0 70 39

 

Признанија уреди

  • Најдобар стрелец на албанската прва дивизија: Сезона 2015–16 (23 гола)

Наводи уреди

  1. ↑ „Jagodina - 'Sistem dva za dva'“. sportske.net. Архивирано од изворникот на 2020-09-25. Посетено на 2022-01-21.
  2. ↑ „Jagodina-Radnički KG“. mozzartsport.com.
  3. ↑ „"Godet" Besëlidhja, firmos Manuka“ (Albanian). Sport Ekspres. 13 January 2015. Архивирано од изворникот на 2017-05-10. Посетено на 7 June 2016.CS1-одржување: непрепознаен јазик (link)
  4. ↑ „Java 13: Besëlidhja - Tërbuni 0-0. Një barazim që vlen si një humbje!“ (Albanian). Besëlidhja.com. 7 February 2015. Посетено на 7 June 2016.CS1-одржување: непрепознаен јазик (link)
  5. ↑ „Besëlidhja Lezhë vs. Iliria Fushë-Krujë 2 – 0“. Soccerway. 4 March 2015. Посетено на 7 June 2016.
  6. ↑ „Besëlidhja Lezhë vs. Besa Kavajë 2 – 0“. Soccerway. 4 April 2015. Посетено на 7 June 2016.
  7. ↑ „Kamza vs. Besëlidhja Lezhë 1 – 2“. Soccerway. 11 April 2015. Посетено на 7 June 2016.
  8. ↑ „Besëlidhja Lezhë vs. Iliria Fushë-Krujë 2 – 0“. Soccerway. 18 April 2015. Посетено на 7 June 2016.
  9. ↑ „Besëlidhja "heq qafe" Mamurrasin!“ (Albanian). Sportal.al. 3 May 2015. Посетено на 7 June 2016.CS1-одржување: непрепознаен јазик (link)
  10. ↑ „Besëlidhja Lezhë vs. Veleçiku Koplik 5 – 0“. Soccerway. 9 May 2015. Посетено на 7 June 2016.
  11. ↑ „Tërbuni & Bylisi, dy bileta "Superiore", zhgënjejnë Besëlidhja & Lushnja“ (Albanian). AlbanianSport.net. 16 May 2015. Посетено на 7 June 2016.CS1-одржување: непрепознаен јазик (link)
  12. ↑ „Bajiç rikonfirmohet: Dua një vit te Besëlidhja“ (Albanian). Sport Ekspres. 24 June 2015. Архивирано од изворникот на 2017-05-10. Посетено на 7 June 2016.CS1-одржување: непрепознаен јазик (link)
  13. ↑ „Java 3: Besëlidhja - Besa 4-0. Poker dhe kryesim...“ (Albanian). Besëlidhja.com. 26 September 2015. Посетено на 7 June 2016.CS1-одржување: непрепознаен јазик (link)
  14. ↑ „Besëlidhja Lezhë vs. Kastrioti Krujë 2 – 1“. Soccerway. 30 September 2015. Посетено на 15 November 2015.
  15. ↑ „Bajiç në super-formë: Besëlidhja s'ka rivalë!“ (Albanian). Sport Ekspres. 5 November 2015. Архивирано од изворникот на 2017-05-10. Посетено на 7 June 2016.CS1-одржување: непрепознаен јазик (link)
  16. ↑ „Java 15: Besëlidhja - Kamza 4-0. Zhbllokohet Bajic“ (Albanian). Besëlidhja.com. 20 February 2016. Посетено на 7 June 2016.CS1-одржување: непрепознаен јазик (link)
  17. ↑ „Ada Velipojë vs. Besëlidhja Lezhë 0 – 4“. Soccerway. 6 March 2016. Посетено на 7 June 2016.
  18. ↑ „Besëlidhja Lezhë vs. Ada Velipojë 4 – 0“. Soccerway. 19 March 2016. Посетено на 7 June 2016.
  19. ↑ „Teatër dhe pazare në Kategorinë e Parë, Butrinti bie në të dytën“ (Albanian). Panorama Sport. 7 May 2016. Посетено на 7 June 2016.CS1-одржување: непрепознаен јазик (link)
  20. ↑ 20,0 20,1 „Summary - 1st Division - Albania - Results, fixtures, tables and news“. Soccerway. 7 June 2016. Посетено на 7 June 2016.
  21. ↑ „Besa Kavajë vs. Besëlidhja Lezhë 0 – 1“. Soccerway. 24 September 2016. Посетено на 22 October 2016.
  22. ↑ „Kupa, goleadë e të mëdhenjve, eliminohet ekipi i parë i Superiores“ (Albanian). Panorama Sport. 5 October 2016. Посетено на 22 October 2016.CS1-одржување: непрепознаен јазик (link)
  23. ↑ „Erzeni Shijak vs. Besëlidhja Lezhë 2 – 3“. Soccerway. 12 October 2016. Посетено на 22 October 2016.
  24. ↑ „Kategoria e Parë / Kamza dhe Lushnja përsëri nuk njohin rivalë“ (Albanian). Panorama Sport. 22 October 2016. Посетено на 22 October 2016.CS1-одржување: непрепознаен јазик (link)
  25. ↑ „Serbia- K. Bajić - Profile with news, career statistics and history“. Soccerway. 7 June 2016. Посетено на 7 June 2016.
  26. ↑ „Football : Kosta Bajic“. Football Database. 7 June 2016. Посетено на 7 June 2016.
  27. ↑ „Stats and profile“. Scoresway. 7 June 2016. Архивирано од изворникот на 2018-02-12. Посетено на 7 June 2016.

Надворешни врски уреди

Преземено од „https://mk.wikipedia.org/w/index.php?title=Коста_Бајиќ&oldid=4851928“