Кирил и Методиј - 1.000 денари (кована пара)

За други значења на поимот, погл. Кирил и Методиј (појаснување).

Кирил и Методиј — кована пара за колекционерски цели на Народната банка на Република Македонија чија номинална вредност е 1,000 денари.

Кирил и Методиј
Лице
Опачина
Поединости
Серија	Икони на светци
Номин. вредност	1,000 денари
Метал	сребро (Ag) 925
Тежина	500 гр
Димензии	135 x 90 мм
Облик	правоаголен
Раб	мазен
Издадена	2014
Цена	49.000 денари

Опис

Лице

На лицето од монетата е претставена слика на манастирот „Свети Наум“ во Охрид и седум светци над него - светите Кирил и Методиј и нивните пет ученици. На долниот дел од монетата има натпис „Република Македонија“ на македонски јазик. На горниот дел, на десната страна, е прикажан Грбот на Република Македонија, а на левата страна е прикажан апоен од „1000 денари“ на македонски јазик. Во средината, во горниот дел е претставена годината на издавање „2014“, а во средниот десен дел од монетата има ознака „Ag925“ и „500 g“.

Опачина

Главната содржина на опачината е портрет од Свети Кирил и Свети Методиј, а над нив се претставени нивните имиња во сребрен натпис „Св. Методиј“ на левата страна и „Св. Кирил“ на десната страна со кирилско писмо на македонски јазик. Периметарот на опачината е затворен со украсни црти во златна боја.

Поврзано

• Свети Кирил и Методиј

Надворешни врски

• Кована пара за колекционерски цели: „КИРИЛ И МЕТОДИЈ“ - 1000 денари — НБРМ