Кинеска глицинија

Кинеска глицинија (латински: Wisteria sinensis) — листопаден, повеќегодишен ползавец од родот Wisteria, по потекло од Кина, од провинциите Гуангси, Гуејџоу, Хебеj, Хенан, Хубеј, Шенси и Јунан. Иако е ползавец, може да се формира и во облик на дрво, со брановидно стебло и висечки гранки.

Кинеска глицинија Wisteria sinensis
Научна класификација
Царство:	Plantae
Колено:	Magnoliophyta
Класа:	Magnoliopsida
Ред:	Fabales
Семејство:	Fabaceae
Подсемејство:	Faboideae
Род:	Wisteria
Врста:	W. sinensis
Биномен назив
Wisteria sinensis (Симс) DC.

Галерија

Може да порасне до висина од 20 до 30 метри. Листовите се сјајни, зелени долги 10-30 сантиметри и широки 9-13 сантиметри. Цветовите се бели, виолетови или сини, со 15-20 гроздови во пролет, кои обично цветаат во средината на мај.

Одгледување

Иако потекнува од Кина, нашироко се одгледува во САД. Таму била пренесена во 1816 година и набрзо станала едно од најпопуларните градинарски растенија, токму поради нејзините цветови. Меѓутоа, во некои делови на Соединетите Држави почнала неконтролирано да се шири поради поволната клима, слична на онаа во Кина. Еден примерок од Сиера Мадре дава еден и пол милион цветови на гранките кои надминуваат 150 метри во должина за време на цветањето.

Галерија

• 
• 
• 
• 
  Цвет
• 
  Плод
• 

Литература

• Jiang, Yifan; Chen, Xinlu; Lin, Hong (2011). „Floral Scent in Wisteria: Chemical Composition, Emission Pattern, and Regulation“. Journal of the American Society for Horticultural Science. 136 (5): 307–314.
• Zhang, Shu-yong; Xia, Jiang-bao; Zhou, Ze-fu; Zhang, Guang-can (1 септември 2007). „Photosynthesis responses to various soil moisture in leaves of Wisteria sinensis“. Journal of Forestry Research. 18 (3): 217–220. doi:10.1007/s11676-007-0044-6.

Надворешни врски

• Кинеска глицинија на Ризницата ^?