Зухал Атмар
Зухал Атмар е авганистанска претприемач и екологистка. Таа е позната по нејзината пионерска работа како прва жена која поседувала и управувала фабрика за рециклирање во Авганистан . [1] Атмар е и истражувач и аналитичар за економски прашања.[2] Таа била вклучена во листата на 100 влијателни и инспиративни жени на BBC за 2021 година.
Биографија
уредиАтмар е родена во Авганистан. Во еден ериод таа наведува дека тбила бегалец во Пакистан, каде што и го завршила своето образование.[3][4] Таа се вратила во Авганистан по падот на Талибанците.[4] Кариерата ја започнала како истражувач. За време на нејзината работа за Единицата за истражување и евалуација во Авганистан, таа била вклучена во промовирање на образованието на жените, гласот на заедницата, еднаквите можности и пристапот до егзистенција.[3]
Активизам
уредиЕколошката работа на Атмар започнала со лична желба да помогне во справувањето со климатските промени. Таа основала фабрика за рециклирање за да придонесе за ублажување на стапката на загадување во Кабул.[5] Во едно интервју таа го навела проблемот со еднократната употреба на пластика како придонесувач за 308 тони ѓубре што се создаваат во Кабул дневно.[4] Овој објект наречен Фабрика за рециклирање отпадна хартија Гул-Мурсал обработувал 33 тони ѓубре неделно.[4]
Нејзината пионерска работа во објектот за рециклирање го изложила Атмар на родова дискриминација и вознемирување. Таа изјавила дека е тешко да се основа нејзината компанија бидејќи жените во Авганистан немаат пристап до заеми бидејќи не ги исполнуваат барањата како што се гарант, деловен партнер и колатерал.[6] Таа можела да управува со својата компанија откако обезбедила заем од 100.000 американски долари од Агенцијата на САД за меѓународен развој (УСАИД). [6] Атмар се борела и со патријархатот. Таа тврдела дека била малтретирана од машки натпреварувачи. Во извештајот, Атмар изјавила дека „има многу проценки и на многу луѓе им пречи тоа што јас водам сопствен бизнис“.[4]
Атмар била вклучена во листата на 100 влијателни и инспиративни жени на BBC за 2021 година.[7]
Наводи
уреди- ↑ „Displaying items by tag: Afghanistan“. www.silkroadstudies.org (англиски). Посетено на 2022-02-23.
- ↑ NIMA ROOZ: Survey Says Afghans Hopeless About Future | TOLOnews (англиски), Посетено на 2022-02-24
- ↑ 3,0 3,1 „CELA 4 Biography Book“ (PDF). CELA Network. July 2005. Архивирано од изворникот (PDF) на 2022-02-24. Посетено на February 25, 2022.
- ↑ 4,0 4,1 4,2 4,3 4,4 Glinki, Stefanie (November 25, 2019). „Afghanistan woman breaks ground with Kabul recycling plant“. Los Angeles Times. Посетено на February 23, 2022.
- ↑ „Afghan Women's History“. Afghanistan Online (англиски). 2018-03-24. Архивирано од изворникот на 2022-02-24. Посетено на 2022-02-24.
- ↑ 6,0 6,1 „Virus wipes away Afghan toilet-paper maker's plans“. www.thenews.com.pk (англиски). Посетено на 2022-02-24.
- ↑ „BBC 100 Women 2021: Who is on the list this year?“. BBC News (англиски). 2021-12-07. Посетено на 2022-02-28.