Знаме на Тексас
Знаме на Тексас – службено знаме на американската сојузна држава Тексас. Познато е по својата истакната единствена бела ѕвезда која му го дала името на знамето „Знаме на Самата ѕвезда“. Самата ѕвезда му го дала прекарот на државата: „Држава на Самата ѕвезда“. Знамето е популарно кај Тексашаните и се третира со голем степен на почит. Заедно со знамето на Хаваите, тоа е едно од двете државни знамиња кои претходно се користеле како национални.[3]
| |
| Назив | Знаме на Самата ѕвезда (The Lone Star Flag) |
|---|---|
| Употреба | граѓанско и државно знаме 
|
| Сразмер | 2:3 |
| Усвоено | 25 јануари 1839 (од Република Тексас) повторно прифатено: 31 август 1933 (De facto use 1879–1933)[1] |
| Опис | ⅓ од знамето е сино кое содржи една бела центрирана ѕвезда. Останатиот дел е поделен хоризонтално на бела и црвена лента. |
| Творец | непознат[2] |
Северноамериканското вексилолошко друштво во 2001 година спровело истражување за најдобро дизајнирано знаме во конкуренција на сите знамиња на американските сојузни држави и територии како и канадските провинции. Меѓу вкупно 72 знамиња, знамето на Тексас било рангирано на 2. зад знамето на Ново Мексико.[4]
Дизајн на знамето уреди
Државното знаме официјално е опишано со закон како:
правоаголник што: (1) има сооднос на ширина со должина од два спрема три; и (2) содржи: (A) една сина вертикална лента чија ширина е еднакава на една третина од должината на знамето; (B) две еднакви хоризонтални ленти, горна бела лента, долна црвена лента, секоја со должина од две третини од должината на знамето; и (C) една бела, правилна петкрака ѕвезда: (i) поставена во средиштето на сината лента; (ii) насочена така што еден крак е нагоре; и (iii) со големина така што пречникот на кругот кој минува низ петте точки на ѕвездата е еднаков на три четвртини од ширината на сината лента.[5]
Историја и усвојување уреди
Правната процедура за усвојување на знамето била започната во Конгресот на Република Тексас на 28 декември 1838 година од сенаторот Вилијам Х. Вартон[1] и знамето било усвоено на 25 јануари 1839 година како национално знаме на Република Тексас.[1] „Придружен на оригиналниот Акт ... е цртеж на националното знаме и грб од Питер Краг ... иако во оригиналот одобрувањете и потписот на претседателот Ламар се наопачки[.]“ [6] Кога Тексас станал 28. Сојузна држава на САД на 29 декември 1845 година, националното знаме станало државно знаме. Од 1879 до 1933 година немало официјално државно знаме, иако Знамето на Самата ѕвезда останало de facto државно знаме. При усвојувањето на Ревидираните граѓански статути во 1879 година,[7] Законодавниот дом ги укинал сите статути чие останување во сила не биле изречно наведени; бидејќи статутите кои се однесуваат на знамето не биле меѓу обновените, Тексас формално бил без знаме до донесувањето на законот за знаме во 1933 година.[1]
Дизајнерот на знамето е непознат.[1] Некои тврдата дека д-р Чарлс Б. Стјуарт бил или дизајнерот на знамето или ја нацртал сликата искористена од Третиот конгрес при донесување на законодавството за усвојување на знамето.[8][9] Сепак, цртежот на Стјуарт "сомнително изгледа како следење на уметноста на Питер Краг, вклучувајќи го и наопачкиот потпис на претседателот Ламар."[6]
Наводи уреди
- ↑ 1,0 1,1 1,2 1,3 1,4 Flags of Texas from the Handbook of Texas Online
- ↑ Vexillological Assn. of the State of Texas. „The Stewart Myth“. Архивирано од изворникот на 2018-10-24. Посетено на 2013-05-12.
- ↑ E. Joe Deering (21 September 2009). Lovin' That Lone Star Flag. Texas A&M University Press. стр. 4. ISBN 978-1-60344-148-3.
- ↑ Archive.org copy of now-offline NAVA survey results
- ↑ „GOVERNMENT CODE CHAPTER 3100. STATE FLAG“. state.tx.us. Посетено на 23 June 2015.
- ↑ 6,0 6,1 Charles A. Spain, Jr. The Flags and Seals of Texas. Архивирано на 5 февруари 2018 г." South Tex. Law Rev. 33(1992): 215-259.
- ↑ AL. „Revised Civil and Criminal Statutes of Texas, 1879“. texas.gov. Посетено на 23 June 2015.
- ↑ Vexillological Assn. of the State of Texas. „The Stewart Myth“. Архивирано од изворникот на 2018-10-24. Посетено на 2013-05-12.
- ↑ [Stewart, Charles Bellinger Tate from the Handbook of Texas Online]
Надворешни врски уреди
| „Знаме на Тексас“ на Ризницата ? |
- Texas Flag Code Архивирано на 25 јули 2010 г.
- Texas Flag status (full-staff or half-staff and instructions for display)
- Flags of Texas Independence Movements 1835-1836 Архивирано на 15 јуни 2010 г.
- Historical Texas Flags
- Origin of the Lone Star Flag of Texas Архивирано на 29 март 2012 г.
- "Flags and Seals of Texas" by Charles A. Spain, Jr., South Texas Law Review
- Flags of Texas from the Handbook of Texas Online
- Flags of the Texas Revolution from the Handbook of Texas Online
- The Stewart Myth Архивирано на 24 октомври 2018 г.
- Official procedure for folding the flag of Texas Архивирано на 5 ноември 2019 г.